(Pune Crime) पुणे : पुण्यात बाप-लेकीच्या नात्याला काळीमा फासणारी घटना पुण्यात घडली आहे. ४२ वर्षाच्या बापाने एका १५ वर्षाच्या मुलीवर सातत्याने अत्याचार केल्याने त्यातून ती गर्भवती राहिली आहे.
मुलीच्या पोटात दुखत असल्याने तिला ससून रुग्णालयात आणण्यात आले होते. डॉक्टरांनी तपासणी केल्यावर ती गर्भवती असल्याचे लक्षात आले. याबाबत तिच्याकडे चौकशी केल्यावर बापाने तिच्यावर सातत्याने अत्याचार केल्याने त्यातून ती गर्भवती राहिल्याचे आढळून आले. पोलिसांनी आरोपी बापाला अटक केली आहे.
मिळालेल्या माहितीनुसार…!
आरोपी हा मुळचा औसा तालुक्यातील जोगन चिंचोली येथील राहणारा आहे. तो मोलमजुरी करतो. एक वर्षापूर्वी त्याच्या पत्नीचे निधन झाले. त्यानंतर तो व त्याची १५ वर्षाची मुलगी दोघेच घरात रहात होते. गेल्या वर्षी जून २०२२ मध्ये त्याने आपल्या मुलीवर अत्याचार केला. त्यानंतर तो सातत्याने तिच्यावर अत्याचार करीत राहिला. काही महिन्यांपूर्वी ते दोघे पुण्यात आले. येथे आल्यावरही तो तिच्यावर अत्याचार करत होता. ४ एप्रिल रोजी तिच्या पोटात दुखु लागले.
त्यामुळे तिला उपचारकामी ससून रुग्णालयात आणण्यात आले. डॉक्टरांनी तपासणी केल्यावर ती ६ ते ७ महिन्यांची गर्भवती असल्याचे झाल्याचे लक्षात आले.
डॉक्टरांनी ही बाब पोलिसांना कळविली. पोलिसांनी मुलीकडे चौकशी केल्यावर बापाने हे नीच कृत्य केल्याची माहिती तिने दिली. याप्रकरणी पोलीस उपनिरीक्षक एम ए मुळुक यांनी चंदननगर पोलीस ठाण्यात फिर्याद याबाबत दिली आहे. त्यानुसार पोलिसांनी बापाला अटक केली आहे.
