Pune Big News पुणे, ता. १७ : पुणे जिल्ह्यातील मुळशी तालुक्यात शनिवारी (ता. 16) भीषण अपघात घडला असून, चांदे-मूलखेड रस्त्यावर फॉर्च्युनर गाडी आणि रिक्षामध्ये झालेल्या जोरदार धडकेत रिक्षाचालकाचा जागीच मृत्यू झाला. तर फॉर्च्युनरमधील तिघेजण जखमी झाले असून, त्यामध्ये ठाकरे गटाच्या शिवसेनेचे पुणे जिल्हाप्रमुख प्रकाश भेगडे यांचाही समावेश आहे. या घटनेमुळे परिसरात मोठी खळबळ उडाली आहे. Pune Big News
मृत रिक्षाचालकाचे नाव विकास अर्जुन पारखी असे असून ते स्थानिक रहिवासी असल्याची माहिती पोलिसांनी दिली. भरधाव वेगातील फॉर्च्युनर गाडीने रिक्षाला जोरदार धडक दिल्याने हा भीषण अपघात घडल्याचे प्राथमिक तपासात समोर आले आहे. Pune Big News
धडक इतकी जबरदस्त होती की, रिक्षाचा अक्षरशः चुराडा झाला. अपघातात गंभीर जखमी झालेल्या विकास पारखी यांचा घटनास्थळीच मृत्यू झाला. दरम्यान, फॉर्च्युनरमधील तिघे जखमी झाले असून, प्रकाश भेगडे यांच्या डोक्याला गंभीर दुखापत झाली आहे. त्यांच्यावर जवळच्या खासगी रुग्णालयात उपचार सुरू आहेत. इतर जखमींची प्रकृती स्थिर असल्याची माहिती मिळत आहे. Pune Big News
अपघातानंतर परिसरातील नागरिकांनी तातडीने घटनास्थळी धाव घेत जखमींना रुग्णालयात हलवण्यास मदत केली. घटनेची माहिती मिळताच पौड पोलीस घटनास्थळी दाखल झाले. पोलिसांनी पंचनामा करून पुढील तपास सुरू केला आहे. या प्रकरणी अभिमन्यू अर्जुन पारखी यांनी दिलेल्या फिर्यादीवरून फॉर्च्युनर चालकाविरुद्ध पौड पोलीस ठाण्यात गुन्हा दाखल करण्यात आला आहे. वेग आणि निष्काळजीपणामुळे हा अपघात घडल्याची शक्यता पोलिसांकडून व्यक्त करण्यात येत आहे. Pune Big News
दरम्यान, या भीषण अपघातामुळे मुळशी परिसरात हळहळ व्यक्त होत असून, वाहनचालकांनी वाहतूक नियमांचे काटेकोर पालन करावे, असे आवाहन पोलिसांकडून करण्यात आले आहे. Pune Big News
