Pune API Bribe Case पुणे, ता. 14 : पिंपरी-चिंचवड पोलीस आयुक्तालयातील बावधन पोलीस ठाण्यात कार्यरत असलेल्या महिला सहाय्यक पोलीस निरीक्षकाविरुद्ध लाचलुचपत प्रतिबंधक विभागाने (एसीबी) मोठी कारवाई केली आहे. गुन्ह्यात मदत करण्यासाठी, नातेवाईकांना अटक टाळण्यासाठी आणि दोषारोपपत्र लवकर दाखल करण्याच्या मोबदल्यात तब्बल 50 हजार रुपयांची लाच मागितल्याप्रकरणी गुन्हा दाखल करण्यात आला आहे. या प्रकरणामुळे पोलीस दलात मोठी खळबळ उडाली असून, संबंधित महिला अधिकाऱ्याला एसीबीने ताब्यात घेतले आहे. Pune API Bribe Case
ज्योती पांडुरंग तांबे (वय 41 , पद सहाय्यक पोलीस निरीक्षक (वर्ग-2), नेमणूक बावधन पोलीस स्टेशन पिंपरी चिंचवड पोलीस आयुक्तालय रा. बी 302, ड्रीम रिदम सोसायटी पाटील नगर, बावधन, पुणे) असे ताब्यात घेण्यात आलेल्या महिला अधिकाऱ्याचे नाव आहे. त्यांच्यावर बावधन पोलीस ठाण्यात भ्रष्टाचार प्रतिबंध अधिनियम सन 1988 चे कलमान्वये गुन्हा दाखल करण्यात आला आहे. याप्रकरणी एका २९ वर्षीय पुरुषाने लाचलुचपत प्रतिबंधक विभागाकडे तक्रार केली होती. Pune API Bribe Case
लाचलुचपत प्रतिबंधक विभागाने दिलेल्या माहितीनुसार, तक्रारदार व त्यांचे नातेवाईकांच्याविरुद्ध बावधन पोलीस ठाण्यात दाखल असलेल्या गुन्ह्यांमध्ये तपास अधिकारी म्हणून गुन्हयामध्ये मदत करण्यासाठी, नातेवाईकांना अटक न करण्यासाठी तसेच दोषारोपपत्र लवकर दाखल करण्यासाठी आरोपी लोकसेविका ज्योती तांबे यांनी तक्रारदार यांच्याकडे 50 हजार रुपयाची लाचेची मागणी केली होती. याप्रकरणी तक्रारदार यांनी पुणे एसीबीकडे तक्रार केली होती. Pune API Bribe Case
मिळालेल्या तक्रारीच्या अनुषंगाने एसीबीने पडताळणी केली असता, आरोपी लोकसेविका ज्योती तांबे यांनी वरील कामासाठी तक्रारदार यांच्याकडून पूर्वी 50 हजार रुपये लाच रक्कम स्वीकारल्याचे मान्य करून उर्वरित पन्नास हजार रुपये रकमेपैकी दहा किंवा पाच हजार रुपये कमी करून उर्वरित रक्कमेची लाच मागणी केल्याचे निष्पन्न झाले. त्यानंतर लाचलुचपत प्रतिबंधक विभागाने आरोपी लोकसेविका ज्योती तांबे यांना ताब्यात घेण्यात आले आहे. पुढील तपास पुणे एसिबीचे पोलीस निरीक्षक सुहास हट्टेकर करत आहेत. Pune API Bribe Case
