Pune Accident पुणे : मुंबई-बंगळुरू बाह्यवळण मार्गावरील नवीन कात्रज बोगद्यात भरधाव ट्रकच्या धडकेत Pune Accident दुचाकीस्वार तरुणाचा मृत्यू झाल्याची घटना घडली आहे.
महादेव बापू पिंगळे (वय २५, रा. आंबेगाव पठार, धनकवडी) असे अपघातात मृत्युमुखी पडलेल्या दुचाकीस्वार तरुणाचे नाव आहे. याप्रकरणी पोलिस शिपाई प्रकाश शिंदे यांनी भारती विद्यापीठ पोलीस ठाण्यात फिर्याद दिली आहे. त्यानुसार अज्ञात ट्रकचालकाविरुद्ध पोलिसांनी गुन्हा दाखल केला आहे.
पोलिसांनी दिलेल्या माहितीनुसार…!
दुचाकीस्वार महादेव मुंबई-बंगळुरू बाह्यवळण मार्गावरून निघाला होता. नवीन कात्रज बोगद्यात सकाळी भरधाव ट्रकने दुचाकीस्वार महादेवला धडक दिली. अपघातानंतर घटनास्थळी न थांबता ट्रकचालक पसार झाला. दुचाकीस्वार महादेवचा उपचारापूर्वीच मृत्यू झाला होता. तपास भारती विद्यापीठ पोलीस करीत आहेत.
अधिक बातम्या वाचण्यासाठी येथे क्लिक करा….!
