दीपक खिलारे
Indapur इंदापूर : तालुक्यातील लुमेवाडी येथे कार्यरत असणाऱ्या प्राथमिक शिक्षिका डाॅ.उषा भोईटे -पवार यांना यशराज रिसर्च फाऊंडेशन यांच्या वतीने “The Grass root change makers of India ” या पुरस्काराने सन्मानित करण्यात आले.
देवेंद्र फडणवीस यांच्या हस्ते पुरस्कार देऊन गौरविण्यात आले..!
यशराज रिसर्च फौंडेशनच्या यांनी दत्तक घेतलेल्या आदिवासी शाळांसाठी अभ्यासक्रम तयार करून दिलेल्या योगदानाबद्दल राज्याचे उपमुख्यमंत्री देवेंद्र फडणवीस यांच्या हस्ते शिक्षिका
डाॅ.उषा भोईटे -पवार यांना गौरविण्यात आले.
तसेच सामाजिक कार्यकर्ते डाॅ.अभय बंग, माजी केंद्रीय वित्त सचिव डॉ.अजयभूषण पांडेय व प्रा.नावकांत भट शास्त्रज्ञ यांनाही फाऊंडेशनच्या वतीने यावेळी सन्मानित करण्यात आले.
यावेळी केंद्रीय मंत्री जितेंद्र सिंग, माजी गृहमंत्री दिलीप वळसे पाटील, यशराज रिसर्च फौंडेशनच्या अध्यक्षा दिपाली भानुशाली, पद्मभूषण पद्मश्री डॉ.गोविंदराजन पद्मानभन आदी मान्यवर उपस्थित होते.
