Pimpari Crime| पिंपरी चिंचवड : आधी इन्स्टाग्रामवरून ओळख नंतर ओळखीचे रूपांतर मैत्रीत नंतर महिलेला लग्नाचे अमिष देत विवाहित महिलेवर बलात्कार करून महिलेचे नग्न फोटो काढत ते नवऱ्याला पाठविण्याची धमकी दिल्याचा प्रकार उघडकीस आला आहे. हा धक्कादायक प्रकार पिंपरी चिंचवड शहरातून समोर आला आहे.
आरोपीने महिलेला लोणावळा आणि पिंपरी-चिंचवड शहरातील विविध भागांत नेऊन बलात्कार केला आहे व आर्थिक अडचण असल्याचे सांगत पाच लाख रुपये व पाच तोळे सोने घेतले.
याप्रकरणी चिंचवड पोलीस ठाण्यात ३२ वर्षीय पीडित महिलेने तक्रार दिली आहे. ३१ वर्षीय आरोपीवर गुन्हा दाखल करण्यात आला असून अद्याप आरोपी फरार आहे. त्याचा शोध चिंचवड पोलीस घेत आहेत.
मिळालेल्या माहितीनुसार,विवाहित महिला आणि आरोपीची इन्स्टाग्रामवरून सुरुवातीला ओळख झाली. ओळखीचे रूपांतर नंतर मैत्रीत झाले. त्यांच्या भेटीगाठी वाढत गेल्या. आर्थिक अडचण आहे, असे म्हणून पीडित महिलेकडून त्याने पाच लाख रुपये आणि पाच तोळे सोन्याचे दागिने घेतले.
आरोपीने पीडित विवाहित महिलेला लग्नाचे आमिष दाखवून लोणावळा आणि पिंपरी-चिंचवड शहरातील विविध भागांत नेऊन तिच्यावर बलात्कार केला. न्यूड फोटो काढून पीडित महिलेला धमकवण्यात आले.
कालांतराने पीडित महिला फोन उचलत नसल्याने न्यूड फोटो तुझ्या नवऱ्याला पाठवीन, असे म्हणून पुन्हा धमकी दिली. तसेच, पीडित महिलेच्या भावाला फोन करून आरोपीने अश्लील शिवीगाळ केली. पीडित महिलेच्या वाॅट्सॲप फॅमिली ग्रुपवर बदनामीकारक मॅसेज केला. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
