Pimpri Crime | पिंपरी-चिंचवड : पिंपरी-चिंचवड शहरातून धक्कादायक बातमी समोर आली आहे. पूर्ववैमनस्यातून एका तरुणाच्या अंगावर रिक्षा घातल त्याला फरफटत नेले. हा प्रकार जुन्या भांडणातून झाला असून सुरुवातीला टोळक्यानी मिळून तरूणास मारहाण केली त्यानंतर त्यास रिक्षात घालून फरफटत नेले.
दरम्यान यांचे भांडण सोडविण्यासाठी आलेल्या तरुणाच्या बहिणीच्या डोक्यात कोयत्याने वार करण्यात आले. हा प्रकार पिंपरी मधील यशवंतनगर येथे गुरुवारी घडला.
याप्रकरणी शंकर संभाजी चौधरी (वय 23, रा. यशवंतनगर, पिंपरी) यांनी पिंपरी पोलीस ठाण्यात तक्रार दाखल केली आहे. त्यावरून अनंत डेंगळे, दीपक कांबळे, नवनाथ डेंगळे, साहिल वाघमारे, तीन महिला (सर्व रा. यशवंतनगर, पिंपरी) यांच्या विरोधात गुन्हा दाखल करण्यात आला आहे.
मिळालेल्या माहितीनुसार, आरोपी सात जणांनी मिळून पुर्वी झालेल्या भांडणाचा राग मनात ठेवत तक्रारदार तरुणास बेदम मारहाण केली. त्यानंतर तरुणाला रिक्षामध्ये गालून त्यास 50 ते 60 फूट फरफटत नेले. यामध्ये तरुण हा गंभीर जखमी झाला. दरम्यान हे भांडण सोडविण्साठी तरुणाची बहिण मध्ये पडली तेव्हा तिच्यावर कोयत्याने वार केले व तिला जीवे मारण्याचा प्रयत्न केला. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Pimpri Crime : घराचे कुलूप न तोडता चोरी ; दीड लाखांचे दागिने लंपास, असा लागला तपास..!
Pimpri Crime | स्पा सेंटरच्या नावाखाली वेश्या व्यवसाय; चार महिलांची सुटका, वाकडमधील प्रकार
