(Pimpri Crime) पिंपरी, (पुणे) : साफ सफाई करणाऱ्या महिलेने पगार मागितल्याने दुकान चालकाने महिलेला बेदम मारहाण केल्याचा संतापजनक प्रकार पिंपरी-चिंचवड (Pimpri Crime) परिसरात उघडकीस आला आहे.
मारहाणीचा सर्व प्रकार सीसीटीव्हीमध्ये कैद…!
हर्षद खान असे मारहान करणाऱ्या व्यक्तीचे नाव असून याबाबत एका ४२ वर्षीय महिलेने निगडी पोलीस स्टेशनमध्ये तक्रार दिली आहे. या घटनेनं एकच खळबळ उडाली असून या मारहाणीचा सर्व प्रकार सीसीटीव्हीमध्ये कैद झाला आहे.
मिळालेल्या माहितीनुसार, संबधित महिला ही पिंपरी चिंचवडमधील सिटी प्राईड इमारतीमध्ये असणाऱ्या ट्रान्सपोर्ट ऑफिसमध्ये साफ-सफाई करण्याचे काम करते. मात्र, याच ऑफिसमध्ये काम करणाऱ्या आरोपी हर्षद खान याने गेल्या तीन महिन्यांपासून संबंधित महिलेचा पगार दिलेला नाही. महिलेने अनेकदा त्याच्याकडे पगाराची मागणी केली होती. मात्र, तो देण्यास टाळाटाळ करत होता.
दरम्यान, सकाळी कामाला आल्यानंतर महिलेने पुन्हा आरोपीकडे पगार मागितला. यावरून दोघांमध्ये मोठा वाद झाला. यावरून चिडलेल्या हर्षदने महिलेला मारहाण करत शिवीगाळ केली. या मारहाणीत महिलेच्या तोंडाला गंभीर मार लागला आहे. घटनेची माहिती मिळताच निगडी पोलीस घटनास्थळी दाखल झाले आहेत. मारहाण करणाऱ्या व्यक्तीला ताब्यात घेऊन त्याच्यावर गुन्हा दाखल करण्याचे काम सुरू आहे.
अधिक बातम्या वाचण्यासाठी येथे क्लिक करा…!
