(Pimpri Crime) पुणे : पुणे शहर परिसरातून दुचाकी चोरणार्‍या अट्टल चोरट्यांना वाकड पोलिसांनी ताब्यात घेतले असून त्यांच्याकडून २१ लाख ५० हजार रुपये किमतीच्या ४३ दुचाकी जप्त केल्या आहेत.
नितीन राजेंद्र शिंदे (वय-२०, रा. शेकापुर, शिंदेवस्ती, आष्टी, बिड), केशव महादेव पडोळे (वय-२५, सध्या रा. बोडकेवाडी, माण, मुळशी मुळ रा. केळसांगवी, आष्टी, बिड), नवनाथ सुरेश मुटकुळे (वार्य-२४, रा. बालाजी कॉलनी, थेरगाव मूळ रा. पाथर्डी, अहमदनगर), ऋषीकेश अजिनाथ भोपळे (वय-२३ , रा. पारगाव, जोगेश्वरी आष्टी, बिड), अमोल दगडू पडोळे (वय-२४, रा. केळसांगवी, आष्टी, बिड) असे अटक करण्यात आलेल्या आरोपींची नावे आहेत.
सहायक पोलीस निरीक्षक संतोष पाटील यांना दिलेल्या माहितीनुसार…!
तापकीर मळा चौक, काळेवाडी येथे एकजण चोरीची दुचाकी घेऊन येणार आहे असल्याची माहिती पोलीस पथकाला मिळाली होती. मिळालेल्या माहितीच्या अनुशंघाने पथकाने सापळा रचून आरोपी नितीन शिंदे याला ताब्यात घेतले. त्या वेळी त्याने रहाटणी येथून दुचाकी चोरी केल्याचे पोलिसांना सांगितले.
त्याच्याकडे अधिक चौकशी केली असता त्याने अन्य आरोपींच्या मदतीने वाकड, हिंजवडी, बारामती, रांजणगाव, अहमदनगर कॅम्प, वाळुंज एमआयडीसी, पाथर्डी, कोतवाली, कर्जत आणि श्रीगोंदा परिसरातून दुचाकी चोरी केल्याची कबुली दिली. पोलिसांनी त्याच्याकडून २१ लाख ५० हजार रुपये किंमतीच्या ४३ दुचाकी जप्त केल्या आहेत. तसेच नागरिकांनी वापरलेली दुचाकी खरेदी करताना कागदपत्रांची पडताळणी करावी. तसेच, कोणीही कागदपत्रे नसताना दुचाकीची विक्री करीत असल्याचे निदर्शनास आल्यास तत्काळ पोलिसांशी संपर्क साधावा, असे आवाहन करण्यात आले आहे.
सदरची कामगिरी वरिष्ठ निरीक्षक सत्यवान माने, पोलिस निरीक्षक (गुन्हे) संतोष पाटील, पोलिस निरीक्षक रामचंद्र घाडगे, सहायक निरीक्षक संतोष पाटील, संभाजी जाधव, पोलिस अंमलदार बिभीषण कन्हेरकर, राजेंद्र काळे, वंदू गिरे, दीपक साबळे, प्रमोद कदम, प्रशांत गिलबिले, अतिक शेख, तात्या शिंदे, भास्कर भारती यांच्या पथकाने ही कामगिरी केली.
अधिक बातम्या वाचण्यासाठी येथे क्लिक करा….!
