(Nashik Crime ) नाशिक : एका ३ महिन्याच्या निष्पाप चिमुकलीचा गळा चिरून हत्या केल्याची धक्कादायक घटना नाशिक शहरातील गंगापूर रोडवर असलेल्या ध्रुव नगर परिसरात सोमवारी (ता.३) घडली होती. या घटनेत अज्ञात महिलेने घरात घुसून बेशुद्ध करत मुलीचा गळा चीरल्याचा आईनेच रचलेला बनाव पोलिसांनी उघडकीस आणला आहे. या हत्येच्या पाठीमागचे एक धक्कादायक कारण उघडकीस आले आहे. बाळ वडिलांसारखे दिसत असल्याचे नातेवाईक सतत टोमणे ऐकून आईनेच चिमुकलीची गळा चिरून हत्या केल्याचे पोलीस तपासात निष्पन्न झाले आहे.
धृवांशी भूषण रोकडे (वय ३ महिने) असं हत्या झालेल्या चिमुकलीचं नाव आहे. तर ध्रुवांशीची आई युक्ता भूषण रोकडे या निर्दयी मातेला अटक केली आहे.
पोलिसांनी दिलेल्या माहितीनुसार…!
ध्रुवांशीच्या हत्येचा प्रसंग सांगताना युक्ता रोकडे हिने एका अज्ञात महिलेने गुंगीचे औषध देऊन बेशुद्ध केल्याचे नातेवाईकांना आणि पोलिसांना सांगत बनाव रचला होता. यानुसार पोलिसांनी घटनेच्या तपासात सुरुवात केली. मात्र, परिसरातील सीसीटीव्ही फुटेज बारकाईने तपासले असता त्यात युक्ताने केलेल्या वर्णनाची संशयित महिला परिसरात दिसूनच आली नाही. त्यामुळे पोलिसांचा संशय हा अधिक बळावला आणि मारेकरी शोधण्यासाठी पोलिसांनी सर्वच नातलंगांसह मृत बाळाची आई युक्ताचीही चौकशी सुरू केली.
युक्ताच्या जबाबात तफावत आढळल्याने पोलिसांचा संशय अधिक वाढला. पोलिसांनी युक्ताला घडलेला प्रसंग वारंवार विचारून कसून चौकशी केल्याने अखेर तिनेच घृणास्पद कृत्य केल्याचे उघड झाले. बाळ वडिलांसारखे दिसत असल्याचे नातेवाईक सतत बोलायचे. तसेच पती आणि सासूकडे बाळ जास्त खेळायचे. तिचे सासू, सासरे, दीर यांच्याकडून सातत्याने ध्रुवांशी भूषण रोकडे यांच्यासारखी दिसते, त्यांचेच अनुकरण करते. युक्ताचे अनुकरण करत नाही. त्यामुळे ध्रुवांशीची आई युक्ताच्या मनात ध्रुवांशी बद्दल राग निर्माण झाला आणि त्या रागातून तिने हे कृत्य केले आहे.
दरम्यान ,सोमवारी रात्री सासू आणि दीर घराबाहेर गेले असताना आईने झोपलेल्या ध्रुवांशीचा सुरीने गळा कापला. त्यानंतर सुरी धुवून जागेवर ठेवून दिली. त्यानंतर एका महिलेने तोंडाला रुमाल लावत बेशुद्ध केले आणि बाळाची हत्या केल्याचा बनाव आईने रचल्याचे पोलीस तपासात समोर आले आहे. या प्रकरणी गंगापूर पोलिसांनी हत्या झालेली ध्रुवांशी रोकडे हिच्या आरोपी आईला ताब्यात घेतले आहे.
अधिक बातम्या वाचण्यासाठी येथे क्लिक करा…!
Crime News | सोनू निगमच्या वडिलांना चोरट्याचा हिसका, घरातील ७२ लाखावर मारला डल्ला!
