Nasarapur News पुणे, ता. 3 : नसरापूर (ता. भोर) येथे 4 वर्षांच्या चिमुकलीवर अत्याचार करून तिची हत्या केल्याच्या प्रकरणात आरोपी भीमराव कांबळे याच्याबाबत अत्यंत धक्कादायक माहिती समोर आली आहे. प्राथमिक तपासात त्याची मानसिकता विकृत स्वरूपाची असल्याचे संकेत मिळत असून, गावकऱ्यांनीही त्याच्या भूतकाळाबाबत गंभीर आरोप केले आहेत. Nasarapur News
गावकऱ्यांच्या म्हणण्यानुसार, भीमराव कांबळे गावात राहत असताना तो शेतात शेळ्या चारायला जात असे. त्या काळात त्याच्याकडून प्राण्यांवर अमानुष वर्तन केल्याचे आरोप आहेत. तसेच गावातील महिलांशी गैरवर्तन केल्याच्या तक्रारीही समोर आल्या आहेत. त्याच्या भीतीमुळे महिलांना शेतात जाण्यासही धाक वाटत होता, असे स्थानिकांनी सांगितले. गावातील एका वयोवृद्ध महिलेवर त्याने कोयत्याचा धाक दाखवून अत्याचार केल्याचाही आरोप आहे. तो कुत्र्यांवर अत्याचार करायचा आणि कुत्र्यांना फाशी द्यायचा. त्याची विकृत मानसिकता होती. त्याचबरोबर त्याने कोंबड्यांवरही अत्याचार केला आहे या सर्व घटनांमुळे सुमारे २० वर्षांपूर्वी गावकऱ्यांनी त्याला गावातून हाकलून लावले होते. Nasarapur News
कांबळे याच्या मुलावरही गंभीर स्वरूपाचे आरोप असून, त्याने एका वयोवृद्ध व्यक्तीवर कोयत्याने हल्ला केल्याची माहिती आहे. भीमराव कांबळे महिलांना त्रास देण्याचा प्रयत्न करीत असे, तसेच तो झाडांमध्ये लपून बसत असल्याचेही ग्रामस्थांनी सांगितले. त्याच्या वर्तनामुळे गावकऱ्यांनी त्याच्याशी सर्व संबंध तोडले होते. कोणत्याही सामाजिक कार्यक्रमात त्याला बोलावले जात नव्हते. कांबळे वस्तीमध्ये आजही भीतीचे वातावरण असून, आरोपीला कठोर शिक्षा देण्याची मागणी गावकरी करत आहेत. Nasarapur News
दरम्यान, चिमुकलीवरील अत्याचारानंतर पोलिसांनी भीमराव कांबळेला अटक केली असून न्यायालयाने त्याला ७ मेपर्यंत पोलीस कोठडी सुनावली आहे. न्यायालयात हजर असताना आरोपीने “मला किरकोळ मारामारीच्या प्रकरणात अडकवण्यात आले आहे” असा दावा केला आहे. पुणे ग्रामीण पोलिसांनी आरोपीच्या घरावर अटकेची नोटीस लावली असून, ती त्याचा मुलगा धीरज कांबळे यांच्या नावाने लावण्यात आली आहे. या प्रकरणाचा पुढील तपास सुरू आहे. Nasarapur News
