Nagar News : अहमदनगर : दरोड्याची तयारी आणि जबरी चोरीच्या गुन्ह्यात फरार असलेल्या आरोपीला कोतवाली पोलिसांनी पुणे जिल्ह्यातील कामशेत परिसरातून अटक केली आहे.(Nagar News)
चोरीच्या गुन्ह्यात फरार असलेल्या आरोपीला अटक.
ओंकार विठ्ठल रोडे (वय २५ वर्षे, रा.वाळूज ता गंगापुर जि. औरंगाबाद, हल्ली रा. चिकालसे ता.मावळ जि.पुणे) असे अटक करण्यात आरोपीचे नाव आहे. याप्रकरणी शाबाज नवाब शेख (वय २६ वर्ष, रा.पंचपीरचावडी, अंबीका बँके शेजारी अहमदनगर) यांनी कोतवाली पोलीस ठाण्यात फिर्याद दिली होती.(Nagar News)
कोतवाली पोलीस ठाण्याचे पोलीस निरीक्षक चंद्रशेखर यादव यांनी दिलेल्या माहितीनुसार, फिर्यादी शाबाज शेख यांचा मोटरसायकलवरून आलेल्या दोन चोरांनी दहा हजार रुपये किमतीचा मोबाईल चोरून नेल्याची घटना २८ ऑगस्ट २०१८ रोजी घडली होती. याप्रकरणी कोतवाली पोलीस ठाण्यात गुन्हा दाखल करण्यात आला होता. हा गुन्हा केल्यापासून आरोपी ओंकार रोडे हा फरार झाला होता.(Nagar News)
सदर गुन्ह्याचा तपास करीत असताना, पोलिसांना फरार आरोपी ओंकार रोडे हा कामशेत येथे आहे. अशी माहिती मिळाली होती. मिळालेल्या माहितीच्या अनुषंगाने पोलिसांनी आरोपीला कामशेत पोलीसांच्या मदतीने पकडले. पुढील तपास पोलीस उपनिरीक्षक सुखदेव दुर्गे तपास करीत आहेत.(Nagar News)
दरम्यान, स्थानिक गुन्हे शाखा अहमदनगर यांनी दरोडाच्या तयारीत असलेल्या आरोपींवर केलेल्या कारवाईमध्ये हा आरोपी काही महिन्यांपासून फरार होता.(Nagar News)
हि कामगिरी कोतवाली पोलीस ठाण्याचे पोलीस निरीक्षक चंद्रशेखर यादव, कामशेत पोलीस ठाण्याचे पोलीस निरीक्षक रविंद्र पाटील यांच्या मार्गदर्शनाखाली पोलीस उपनिरीक्षक मनोज कचरे, सुखदेव दुर्ग, पोलीस अंमलदार योगेश भिंगारदिवे, ईस्त्राईल पठाण, अमोल गाडे, सुजय हिवाळे, कामशेत पोलीस ठाण्याचे राजेंद्र पाटील, प्रसाद निंबाळकर व नगरचे स्थानिक गुन्हे शाखेचे विश्वास बेरड यांच्या पथकाने केली आहे.(Nagar News)
