Loni Kalbhor Police News लोणी काळभोर, ता. ५ : पोलिसांच्या ‘ऑल आऊट कोम्बिंग ऑपरेशन’दरम्यान लोणी काळभोर परिसरात मोठी कारवाई करत दोन संशयितांना कोयते व धारदार शस्त्रांसह रंगेहात पकडण्यात आले. कदमवाकवस्ती (ता.हवेली) ग्रामपंचायत हद्दीतील घोरपडेवस्तीच्या लेन नंबर ७ मध्ये २ मेच्या रात्री ११ ते ३ मेच्या पहाटे २ वाजण्याच्या सुमारास केली आहे. हे दोघे गंभीर गुन्हा करण्याच्या तयारीत असल्याची माहिती समोर येत असून, लोणी काळभोर पोलिसांच्या सतर्कतेमुळे संभाव्य अनर्थ टळला आहे. Loni Kalbhor Police News
गणेश रघुनाथ बनसोडे (वय 21 घोरपडे वस्ती लेन नं 07, कदमवाकवस्ती ता. हवेली, जि. पुणे ) व अभिजीत दिलीप खर्चे (वय 18 , रा. फ्लॅट नं 102, सैनिक अपार्टमेंट, आष्ठापुर मळा रोड, लोणी काळभोर, ता. हवेली, जि. पुणे) अशी अटक करण्यात आलेल्या आरोपींची नावे आहेत. याप्रकरणी पोलीस अंमलदार अशोक भागवत गिरी यांनी सरकारच्या वतीने लोणी काळभोर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, लोणी काळभोर पोलिसांचे विशेष पथक लोणी काळभोर हद्दीत पेट्रोलिंग करत होते. त्यावेळी घोरपडे वस्ती, कदमवाकवस्ती येथील लेन नंबर ७ मध्ये दोन इसम रिक्षामध्ये बसून हातात कोयते घेऊन संशयास्पद हालचाली करत असल्याची गुप्त माहिती मिळाली. वरिष्ठांच्या आदेशानुसार पोलिसांनी तत्काळ घटनास्थळी धाव घेत पोलिसांनी सदर ठिकाणी सापळा रचला. पोलिसांची चाहूल लागताच संबंधित इसम पळण्याचा प्रयत्न करत होते, मात्र पथकाने त्यांना वेढा घालून ताब्यात घेतले. Loni Kalbhor Police News
दरम्यान, आरोपी गणेश बनसोडे आणि अभिजीत खर्चे यांच्या ताब्यातील रिक्षाची झडती घेतली असता दोन लोखंडी कोयते आणि एक धारदार पालघन आढळून आले. पोलिसांनी पंचासमक्ष कारवाई करत सुमारे २ लाख ५० हजार रुपयांची बजाज मॅक्सिमा रिक्षा (क्र. एमएच १२ व्हीबी ८७१३) आणि धारदार शस्त्रे जप्त केली. ही शस्त्रे बेकायदेशीररीत्या जवळ बाळगल्याने संबंधितांवर आर्म अॅक्ट आणि महाराष्ट्र पोलीस कायद्यानुसार गुन्हा दाखल करण्यात आला आहे. Loni Kalbhor Police News
या कारवाईमुळे परिसरात मोठा गुन्हा घडण्याची शक्यता टळली असून, नागरिकांनी पोलिसांच्या तत्परतेचे कौतुक केले आहे. लोणी काळभोर पोलिसांकडून पुढील तपास सुरू असून, आरोपींच्या मागील गुन्हेगारी पार्श्वभूमीचीही चौकशी केली जात आहे. Loni Kalbhor Police News
