Loni Kalbhor News : लोणी काळभोर, (पुणे) : लोणी काळभोर पोलीस ठाण्याच्या हद्दीत बेकायदेशीररित्या पिस्तूल जवळ बाळगून फिरणाऱ्या एका पोलिसांच्या रेकॉर्डवरील सराईत गुन्हेगाराला गुन्हे शाखेच्या खंडणी विरोधी पथकाने बेड्या ठोकल्या आहेत. Loni Kalbhor News
साहस विश्वास पोळ (वय २४, सिद्धिविनायक अपार्टमेंट वडकी गाव पुणे मुळगाव वीर परींचे तालुका पुरंदर) असे अटक करण्यात आलेल्या आरोपीचे नाव आहे. त्याच्याकडून पोलिसांनी देशी बनावटीचे दोन पिस्टल आणि चार जिवंत काढतुसे असा मुद्देमाल जप्त करण्यात आला आहे. याप्रकरणी लोणी काळभोर पोलीस ठाण्यात त्याच्या विरोधात गुन्हा दाखल करण्यात आला. Loni Kalbhor News
पोलिसांनी दिलेल्या माहितीनुसार, बेकायदेशीररित्या पिस्तूल जवळ बाळगणाऱ्या गुन्हेगारांची माहिती पुणे पोलिसांकडून काढली जात होती. त्यानुसार खंडणी विरोधी पथकाचे पोलीस अंमलदार सुरेंद्र जगदाळे आणि सचिन अहिवळे यांना गुन्हेगार साहस पोळ याच्या विषयी माहिती मिळाली होती. त्यानुसार उरुळी देवाची परिसरात सापळा रचून त्याला ताब्यात घेण्यात आले. Loni Kalbhor News
दरम्यान, त्याची अंग झडतीघेतली असता त्याच्याकडे बनावटीचे दोन पिस्टल आणि चार जिवंत काडतुसे मिळून आले. ही शस्त्र जप्त करून त्याच्या विरोधात लोणी काळभोर पोलीस ठाण्यात भारतीय शस्त्र अधिनियमन कलम कायद्यानुसार गुन्हा दाखल करण्यात आला आहे.
