Loni Kalbhor News लोणी काळभोर, ता. ९ : तुळजापूर येथे देवदर्शनासाठी निघालेल्या एका कुटुंबावर शेजारी राहणाऱ्या महिलेने अचानक हल्ला केल्याची धक्कादायक घटना घडली आहे. सार्वजनिक रस्ता अडवून शिवीगाळ, मारहाण, दगडफेक आणि मुलाच्या हाताच्या बोटाला चावा घेतल्याचा प्रकार समोर आला आहे. हि घटना कुंजीरवाडी (ता. हवेली) परिसरात गुरुवारी ७ मे रोजी रात्री दहा वाजण्याच्या सुमारास घडली आहे. या घटनेमुळे परिसरात मोठी खळबळ उडाली आहे. Loni Kalbhor News
लोणी काळभोर पोलीस ठाण्यात एका महिलेवर गुन्हा दाखल करण्यात आला आहे. आशा पालवे असे गुन्हा दाखल करण्यात आलेल्या महिलेचे नाव आहे.या प्रकरणी लक्ष्मी बावणे (वय ५५, व्यवसाय – गृहिणी) यांनी लोणी काळभोर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, बावणे कुटुंब कुंजीरवाडी येथील रॉयल लॉन्स परिसरात वास्तव्यास आहे. ७ मे रोजी रात्री दहा वाजण्याच्या सुमारास संपूर्ण कुटुंब तुळजापूर येथे देवदर्शनासाठी रिक्षाने निघाले होते. त्यावेळी घरासमोरील सार्वजनिक रस्त्यावर उभ्या असलेल्या आशा पालवे यांना बाजूला होण्यास सांगितल्यावर वादाची ठिणगी पडली. Loni Kalbhor News
आशा पालवे यांनी सुरुवातीला लक्ष्मी बावणे यांना अश्लील शिवीगाळ केली. त्यानंतर वाद वाढताच संतोष बावणे हे रिक्षातून खाली उतरले. त्यावेळी आरोपी महिलेने त्यांनाही शिवीगाळ करत त्यांच्या उजव्या हाताच्या करंगळीशेजारील बोटाला जोरात चावा घेतला. या प्रकारामुळे परिसरात गोंधळ उडाला. दरम्यान, लक्ष्मी बावणे आणि त्यांच्या सुनेने आशा पालवे यांना आवरण्याचा प्रयत्न केला असता त्यांनी जोरात हिसका देत स्वतःची सुटका करून घेतली आणि रस्त्यावर पडलेले दगड उचलून बावणे कुटुंबाच्या दिशेने फेकण्यास सुरुवात केली. Loni Kalbhor News
दरम्यान, या दगडफेकीत लक्ष्मी बावणे यांच्या छातीच्या उजव्या बाजूस तसेच डाव्या हाताच्या कोपराला दुखापत झाली. तर संतोष बावणे यांच्या हाताला आणि गुडघ्यालाही दगड लागून जखम झाली. घटनेनंतर घाबरलेल्या बावणे कुटुंबीयांनी तातडीने लोणी काळभोर पोलीस ठाणे गाठले. पोलिसांनी त्यांना वैद्यकीय तपासणीसाठी ससून रुग्णालयात पाठवले. ससून रुग्णालयात उपचार सुरू असतानाही आशा पालवे यांनी बावणे कुटुंबीयांना शिवीगाळ करत “सर्वांना जीवे मारून टाकेन,” अशी धमकी दिली आहे. Loni Kalbhor News
याप्रकरणी लक्ष्मी बावणे यांनी लोणी काळभोर पोलीस ठाण्यात फिर्याद दिली आहे. त्यानुसार आशा पालवे यांच्यावर भारतीय न्याय संहिता २०२३ अंतर्गत कलम ११८(१), १२६, ३५१(२), ३५२ अन्वये गुन्हा दाखल करण्यात आला आहे. या घटनेमुळे कुंजीरवाडी परिसरात तणावाचे वातावरण निर्माण झाले असून, देवदर्शनासाठी निघालेल्या कुटुंबावर झालेल्या हल्ल्यामुळे नागरिकांमध्ये संताप व्यक्त केला जात आहे. लोणी काळभोर पोलीस पुढील तपास करत आहेत.
