लोणी काळभोर, ता. 20 : कदमवाकवस्ती (ता. हवेली) येथील “माईलस्टोन 09” हॉटेलमध्ये रविवारी (ता. 19) पहाटे दोनच्या सुमारास चार जणांनी पिस्टल व धारदार शस्त्रे हातात घेऊन जबरदस्तीने प्रवेश करत अक्षरशः दहशत माजवली. Loni Kalbhor News “निलेश काळभोरचा आज गेम वाजवायचा होता” अशी उघड धमकी देत आरोपींनी हॉटेलमध्ये आरडाओरड, शिवीगाळ करत राडा घातल्याची धक्कादायक घटना समोर आली आहे. या प्रकरणी लोणी काळभोर पोलीस ठाण्यात गंभीर कलमान्वये गुन्हा दाखल करण्यात आला असून, खंडणी विरोधी पथकाने तात्काळ कारवाई करत दोन आरोपींना अटक केली आहे. Loni Kalbhor News
अटक करण्यात आलेल्या आरोपींची नावे प्रणवराज सुनिल यादव (वय 25, रा. मांजरी बुद्रुक) आणि जय गणेश शेलार (वय 25, रा. हडपसर) अशी आहेत. याप्रकरणी हॉटेल व्यावसायिक सूर्यकांत बापुसाहेब उंद्रे (वय 40, रा. मांजरी खुर्द) यांनी फिर्याद दिली आहे. Loni Kalbhor News पोलिसांनी दिलेल्या माहितीनुसार, असलम अल्ताफ शेख, ‘पम्या’, ‘आकाश’ (पूर्ण नावे अज्ञात) आणि एका अनोळखी व्यक्तीने हॉटेलमध्ये घुसून निलेश काळभोरचा शोध घेतला. मात्र तो न मिळाल्याने आरोपी घटनास्थळावरून कारने पसार झाले. या सर्व आरोपींविरुद्ध शस्त्र अधिनियम 1959 चे कलम 25(3), महाराष्ट्र पोलीस अधिनियम तसेच भारतीय न्याय संहिता (BNS) 2023 अंतर्गत गुन्हा नोंदविण्यात आला आहे.
दरम्यान, खंडणी विरोधी पथक दोनचे पोलिस मांजरी परिसरात गस्त घालत असताना, पोलीस अंमलदार नितीन मुंढे यांना खबऱ्यामार्फत माहिती मिळाली की, आरोपी प्रणवराज यादव व जय शेलार हे धारदार शस्त्रांसह मांजरी ग्रीन अॅनेक्स परिसरात थांबले आहेत. या माहितीच्या आधारे पोलिसांनी सापळा रचून दोन्ही आरोपींना मोठ्या शिताफीने ताब्यात घेतले. त्यांच्या ताब्यातून दोन लोखंडी तलवारी, दोन सुरे आणि एक कोयता जप्त करण्यात आला आहे. Loni Kalbhor News
ही कामगिरी पुणे शहर पोलीस आयुक्त अमितेश कुमार, पोलीस सह आयुक्त रंजनकुमार शर्मा, अपर पोलीस आयुक्त पंकज देशमुखपोलीस उप आयुक्त (गुन्हे) निखील पिंगळे,सहाय्यक पोलीस आयुक्त (गुन्हे 2) राजेंद्र मुळीक यांच्या मार्गदर्शनाखाली खंडणी विरोधी पथक दोनचे पोलीस निरीक्षक राम राजमाने, पोलीस उप-निरीक्षक गौरव देव, नितीन मुंढे, कानिफनाथ कारखीले, पोलीस हवालदार घावटे, कुसाळकर, आढारी, महाजन, राऊत, पोहवा, शेख, परीट, राक्षे, पोलीस अंमलदार पाटील, खराडे, खरात, शिंदे यांच्या पथकाने केली आहे. Loni Kalbhor News
