Loni Kalbhor : लोणी काळभोर, (पुणे) : लोणी काळभोर पोलीस ठाण्याच्या हद्दीतील थेऊर फाटा येथील नयन बारजवळ सुरू असलेल्या अवैध मटका आणि जुगार धंद्यावर लोणी काळभोर पोलिसांनी छापा टाकून मोठी कारवाई केली आहे. या छापा कारवाईत पोलिसांनी 7 जणांना रंगेहात पकडले असून, रोख रक्कम, मोबाईल आणि मोटारसायकली असा एकूण 2 लाख 67 हजार 830 रुपयांचा मुद्देमाल जप्त केला आहे. Loni Kalbhor
जुगार घेणारे सुजित हरी बोडके, (वय 36, रा. चिंतामणी मंदिरासमोर, थेऊर, ता. हवेली), करण सुरेश काळे, वय -29, रा. कवडी टोलनाका, कदमवाक वस्ती, ता. हवेली), व जुगार खेळणारे विशाल गुंडाप्पा वाघमारे (वय-30, रा. संजु गायकवाड चाळ, माळी मळा, लोणी काळभोर ता. हवेली), सतिष दिलीप चौडकर (वय 44, रा. वरचावाडा, कुंजीरवाडी, ता. हवेली) बंटी शंकर गायकवाड (वय-27, रा. तरवडे रायवाडी, लोणी काळभोर, ता. हवेली) मंदार सोपान हगवणे वय 40, रा. खोरवडा वस्ती, सोरतापवाडी, ता. हवेली) शिवाजी बारकु चव्हाण, वय 63, रा. चव्हाण वस्ती, थेऊर, ता. हवेली) अशी अटक करण्यात आलेल्यांची नावे आहेत. Loni Kalbhor
पोलिसांनी दिलेल्या माहितीनुसार, लोणी काळभोर पोलीस स्टेशनचे वरिष्ठ पोलीस निरीक्षक राजेंद्र पन्हाळे यांना 25 एप्रिल 2026 रोजी थेऊर फाटा परिसरात अवैध जुगार सुरू असल्याची खात्रीशीर माहिती मिळाली होती. या माहितीच्या आधारे पोलिसांनी पथक तयार करून नयन बारच्या परिसरात सापळा रचला. यावेळी सोरट पंतीपाकुळी आणि कल्याण मटका जुगार खेळला आणि खेळवला जात असल्याचे निदर्शनास आले. Loni Kalbhor
पोलिसांनी या छाप्यात जुगार घेणारे आणि खेळणारे अशा एकूण वरील 7 जणांना अटक केली आहे या कारवाईत मटका अड्ड्याचा मालक विकास राजुभाऊ कांबळे (वय -32, रा. काळेवाडी) आणि इतर दोन अनोळखी इसम फरार झाले असून, पोलीस त्यांचा शोध घेत आहेत. पोलिसांनी घटनास्थळावरून रोख रक्कम 7 हजार 830 रुपये, 60 हजार रुपये किमतीचे 6 मोबाईल फोन, 2 लाख रुपयांच्या 4 मोटारसायकल व जुगाराचे साहित्य असा 2 लाख 67 हजार 830 रुपयांचा मुद्देमाल जप्त केला आहे. Loni Kalbhor
दरम्याण, ही कारवाई पोवरिष्ठांच्या मार्गदर्शनाखाली वरिष्ठ पोलीस निरीक्षक राजेंद्र पन्हाळे, पोलीस उप निरीक्षक योगेश पैठणे, पोलीस हवालदार संदिप जोगदंड, पोलीस अंमलदार गणेश शिंदे, प्रविण दडस, अशोक गिरी, महिला पोलीस अंमलदार माधुरी खोमणे यांनी केली. Loni Kalbhor
“लोणी काळभोर परिसरातील अवैध धंद्यांचे समूळ उच्चाटन करणे हे आमचे उद्दिष्ट असून, भविष्यात अशाच प्रकारच्या प्रभावी कारवाया सुरू राहतील,” असा इशारा राजेंद्र पन्हाळे यांनी दिला आहे. Loni Kalbhor
