Loni Kalbhor Crime लोणी काळभोर, (पुणे) : कदमवाकवस्ती (ता. हवेली) येथील शेतकरी कामगार महिलेच्या डोक्यात तीक्ष्ण हत्याराने वार करुन तिचा खून करून मृतदेह विहीरीत टाकून दिल्याची घटना उघडकीस आली आहे. ही घटना मांजरी येथील कुरण फार्म येथे सोमवारी (ता. २४) दुपारी अडीच ते सायंकाळी सव्वासहा वाजण्याच्या दरम्यान घडली.
उषा अशोक देशमुख (वय ५०, रा. माळवाडी, कवडीपाठ, कदमवाकवस्ती, ता. हवेली) असे खून झालेल्या महिलेचे नाव आहे. याबाबत स्नेहल अभय काळभोर (वय ५०, रा. मांजरी फार्म, मांजरी) यांनी हडपसर पोलीस ठाण्यात फिर्याद दिली आहे.
हडपसर पोलिसांनी दिलेल्या माहितीनुसार…!
स्नेहल काळभोर यांच्या शेतात उषा देशमुख या कामगार म्हणून काम करत होत्या. सोमवारी त्या नेहमीप्रमाणे कामाला आल्या होत्या. सायंकाळी त्या न दिसल्याने काळभोर यांनी शोधाशोध केली. यावेळी देशमुख यांचा मृतदेह विहीरीत पडलेला आढळून आला.
दरम्यान, मृतदेह बाहेर काढला असता त्यांच्या डोक्यात तीक्ष्ण हत्याराने वार करुन त्यांचा खून केला असल्याचे व त्यानंतर मृतदेह विहीरीत टाकून दिल्याचे निदर्शनास आले. हडपसर पोलिसांनी खूनाचा गुन्हा दाखल केला असून सहायक पोलीस निरीक्षक शिंदे तपास करीत आहेत.
अधिक बातम्या वाचण्यासाठी येथे क्लिक करा….!
Pune Crime : खळबजनक! कोंढव्यात 62 वर्षीय ज्येष्ठाचा डोक्यात फरशी घालून खून
