Lonavala Crime : लोणावळा, (पुणे) – पोहण्यासाठी उतरलेल्या तरुणाला पाण्याचा खोलीचा अंदाज न आल्याने त्याचा बुडून मृत्यू झाल्याची घटना कामशेत (ता. मावळ) ग्रामपंचायत हद्दीत घडली आहे. मंगळवारी (ता. ११) दुपारी हि घटना घडली आहे. या घटनेने परिसरात एकच खळबळ उडाली होती.
हर्ष लक्ष्मण अडसुळे (वय १७ रा. दापोडी, पुणे) असे मृत झालेल्या तरुणाचे नाव आहे. त्याच्या जाण्याने कुटुंबावर शोककळा पसरली आहे.
कामशेत परिसरातील घटना…
मिळालेल्या माहितीनुसार, मंगळवारी दुपारी दापोडी येथील मित्रांचा पाच जणांचा ग्रुप फिरण्यासाठी या भागात आलेला होता. तेव्हा या पाचही जणांना पोहण्याचा मोह आवरला नाही. त्यानंतर ते सर्वजण इंद्रायणी पात्रात पोहण्यासाठी उतरले. त्यापैकी हर्ष अडसुळे याला पाण्याचा अंदाज न आल्याने त्याचा पाण्यात बुडून मृत्यू झाला.
घटनेची माहिती मिळताच कामशेत पोलीस स्टेशनचे कर्मचारी आणि वन्यजीव मावळ रक्षक संस्था, शिवदुर्ग मित्र लोणावळा आणि आपदा मित्र मावळ हे घटनास्थळी पोहोचले. पाण्यात बराच वेळ शोधाशोध केल्यानंतर बुडालेल्या तरुणाचा मृतदेह पाण्याबाहेर काढण्यास यंत्रणांना यश आले आहे. कामशेत पोलीसच ठाण्याचे समीश शेख हे या प्रकरणाचा अधिक तपास करत आहेत.
दरम्यान, शिवदुर्ग मित्र लोनावळा, वन्यजीव रक्षक मावळ संस्था, आपदा मित्र मावळ टीमचे निलेश गराडे, अनिल आंद्रे, दिगंबर पडवळ, राहुल दुर्गे, अमित बलकवडे, योगेश दळवी, विशाल जव्हेरी यांनी सर्च ऑपरेशनमध्ये सहभाग घेतला होता. पोहता येत नसेल तर पाण्याजवळ जाऊ नये, असे आवाहन पोलिसांकडून करण्यात येत आहे.
अधिक बातम्या वाचण्यासाठी येथे क्लिक करा….!
Baramati Crime : बारामती तालुक्यातील सांगवी येथे तरूणाचा दगडाने ठेचून खून ; परिसरात खळबळ..!
Pune Crime : चिकन सेंटर चालकाने २०० रुपये देतो अशी बतावणी करून अल्पवयीन मुलीवर केले चाळे
Pune Crime : शेजाऱ्याने पत्नीला दुचाकीवरून घरी सोडले; ते पतीने पाहिले आणि मग
