पुणे : घरी सोडण्याच्या बहाण्याने प्रयोगशाळा सहाय्यक तरुणीला आलिशान कारमध्ये बसवून विनयभंग केल्याची धक्कादायक घटना कोथरूड परिसरात शुक्रवारी (ता.९) रात्री साडे नऊ वाजण्याच्या सुमारास घडली आहे. याप्रकरणी कोथरूड पोलिसांनी आरोपीला अटक केली आहे.
मेघबहादुर भवानीराव रावल (वय-३९, रा. रामबाग कॉलनी, कोथरूड) असे अटक करण्यात आलेल्या आरोपीचे नाव आहे. याप्रकरणी एका २५ वर्षीय तरुणीने कोथरूड पोलीस ठाण्यात तक्रार दिली.
पोलिसांनी दिलेल्या माहितीनुसार, पिडीत तरुणी या कोथरूडमधील एका प्रसिद्ध लॅबमध्ये प्रयोगशाळा सहाय्यक म्हणून काम करतात. तर आरोपी हा त्याच लॅबच्या मालकाच्या चार चाकी गाडीवर चालक म्हणून काम करतो.
दरम्यान, पिडीत तरुणी ही शुक्रवारी (ता.९) रात्रीच्या सुमारास काम संपल्यानंतर घरी चालल्या होत्या. तेव्हा आरोपीने सांगितले कि, ” ही साहेबांचीच कार आहे, मी कर्वेनगरकडे चाललो आहे, मी तुम्हाला तुमच्या घरी सोडतो” असे सांगून आरोपीने फिर्यादीला कारच्या पुढील सीटवर बसवले.
त्यानंतर पौड रस्त्यावरून गाडी करिष्मा चौकात आल्यानंतर रस्त्याच्या साईडला गाडी थांबिवली व फिर्यादीने अश्लील चाळे केले. याप्रकरणी पिडीत तरुणीने कोथरूड पोलीस ठाण्यात तक्रार दिली आहे.
पोलीस ठाण्यात गुन्हा दाखल होताच, पोलिसांनी आरोपीला अटक केली आहे.
