(Khed Crime ) पुणे : ‘तू मला इग्नोर का करतेस’ अशी विचारणा करत एकाने घरात घुसून महिलेला लाथाबुक्क्याने आणि झाडूने मारहाण केल्याची धक्कादायक घटना समोर आली आहे. ही घटना खेड तालुक्यातील कुरूळी येथे घडली.
पिडीत महिलेने म्हाळूंगे एमआयडीसी पोलीस ठाण्यात तक्रार दाखल केली आहे. त्यानुसार प्रल्हाद धोंडीबा रायते (रा. रूपीनगर, निगडी, मुळ बीड) याच्यावर पोलिसांनी गुन्हा दाखल केला आहे.
पोलिसांनी दिलेल्या माहितीनुसार…!
आरोपी रायते आणि महिलेची पूर्वीपासून ओळख आहे. 19 मार्च रोजी महिला फ्लॅटमध्ये एकटीच असताना रायते तिच्या घरात घुसला. तू मला इग्नोर का करतेस, अशी विचारणा केली. त्यामुळे महिला घराबाहेर जाऊ लागली असता रायते याने तिला लाथाबुक्क्याने व झाडूने मारहाण केली. महिलेने आरडाओरडा केला असता मी तुला सोडणार नाही. माझ्या मनात येईल तेव्हा मी तुला मारहाण करणार, अशी धमकी देऊन पसार झाला. फौजदार शिंदे या घटनेचा तपास करत आहेत.
अधिक बातम्या वाचण्यासाठी येथे क्लिक करा…!
Old Pension Scheme | राज्यातील सरकारी कर्मचाऱ्यांनी संप मागे घेतल्याने खडाजंगी!
