Khed Bribe News पुणे, ता. ९ : वारसनोंद करण्यासाठी तब्बल ५ हजार ५०० रुपयांची लाच स्वीकारताना तलाठी आणि कोतवालाला लाचलुचपत प्रतिबंधक विभागाच्या (एसीबी) पुणे पथकाने रंगेहात पकडल्याने जिल्ह्यात खळबळ उडाली आहे. निमगाव खंडोबा (ता. खेड) ग्राम महसूल कार्यालयात गुरुवारी (ता.७) दुपारी पावणे चार वाजण्याच्या सुमारास झालेल्या या कारवाईमुळे महसूल विभागातील भ्रष्टाचार पुन्हा एकदा उघड झाला आहे. Khed Bribe News
मनीषा साहेबराव माने (वय ४५, ग्राम महसूल अधिकारी/तलाठी, निमगाव खंडोबा, तालुका खेड राजगुरुनगर, जिल्हा पुणे राठी ए 107, उमादर्शन सोसाइटी, याद रोड, राजगुरुनगर खेड, तालुका खेड, जिल्हा पुणे (वर्ग 3)) आणि दत्तात्रय छबू चव्हाण (वय ५८,पद कोतवाल निमगाव खंडोबा, तालुका खेड राजगुरुनगर, जिल्हा पुणे, रा ठि खरपुडी बद्रक, तालुका खेड, जिल्हा पुणे) असे रंगेहाथ पकडण्यात आलेल्यांची नावे आहेत. दोघांविरोधात खेड राजगुरूनगर पोलीस ठाण्यात भ्रष्टाचार प्रतिबंधक कायदा १९८८ अंतर्गत गुन्हा दाखल करण्यात आला आहे. याप्रकरणी एका ३४ वर्षीय व्यक्तीने लाचलुचपत प्रतिबंधक विभागाकडे तक्रार केली होती. Khed Bribe News
लाचलुचपत प्रतिबंधक विभागाने दिलेल्या माहितीनुसार, तक्रारदार यांचे वडील व इतर नातेवाईक यांच्या नावे खरपुडी बुद्रुक गट क्रमांक व उपविभाग 792 भोगवाट वर्ग 1 क्षेत्र 0.38.00 अशी वडिलोपार्जित जिरायत जमीन आहे. तक्रारदार यांच्यावडिलांचे सन 2024 मध्ये निधन झाले आहे. त्यामुळे सदर जमिनीवर वारसनोंद घेण्याकरीता तक्रारदार यांनी 6 मार्च 2026 रोजी निमगाव खंडोबा ग्राम महसूल कार्यालय येथील अधिकारी आरोपी लोकसेवक मनीषा पाटील यांना अर्ज दिला होता. वारंवार चौकशी करून देखील तक्रारदार व त्यांचे भाऊ आणि बहिणीची जमिनीला वारसा नोंद केली नाही. Khed Bribe News
तक्रारदार हे वारसा नोंदणी बाबत चौकशी करण्याकरिता निमगाव खंडोबा ग्राम महसूल कार्यालय येथे गेले असता, माने यांनी चव्हाण यांना तक्रारदार यांच्याकडून वारसा नोंद करण्यासाठी पैसे घेण्यास सांगितले.त्यानंतर तक्रारदार यांच्याकडे ६ हजार रुपयांची लाच मागणी केली होती. याप्रकरणी तक्रारदार यांनी लाचलुचपत प्रतिबंधक विभागाकडे तक्रार केली होती. Khed Bribe News
मिळालेल्या तक्रारीच्या अनुषंगाने लाचलुचपत प्रतिबंधक विभागाने चौकशी केली असता, आरोपी लोकसेवक मनीषा पाटील व कोतवाल यांनी तक्रारदाराच्या वरील कामासाठी तक्रारदाराकडे तडजोडी अंती 500 रुपये स्टॅम्प व वारसा नोंद करण्याकरिता 5 हजाररुपये अशी एकूण 5हजार 500 रुपयांची मागणी केल्याचे तपासात निष्पन्न झाले. त्यानंतर लाचलुचपत प्रतिबंधक विभागाने सापळा रचला. यावेळी आरोपी लोकसेवक मनीषा माने व दत्तात्रय चव्हाण यांना ५ हजार ५०० रुपयांची लाच स्वीकारताना एसीबीने निमगाव खंडोबा ग्राम महसूल कायर्यालयात रंगेहाथ पकडले. पुढील तपास पुणे लाचलुचपत प्रतिबंधक विभागाचे पोलीस निरीक्षक अविनाश घरबुडे करत आहेत.
