Jejuri News : जेजुरी, (पुणे) : जेजुरी – मोरगाव रस्त्यावर आयशर टेम्पोने दुचाकीला पाठीमागून दिलेल्या धडकेत दुचाकीवरील ३० वर्षीय तरुणाचा जागेवरच मृत्त्यू झाल्याची घटना घडली आहे. तर आब्खी एकजण जखमी झाल्याची घटना घडली आहे. हा अपघात माऊली नगर येथील हॉटेल मेघ मल्हार समोर झाला आहे.
३० वर्षीय तरुणाचा जागेवरच मृत्त्यू
राहुल अशोक पवार (वय ३० रा पवारवाडी, नाझरे क, प, ता. पुरंदर) असे अपघातात मृत्यू झालेल्या युवकाचे नाव आहे. तर सतीश खैरे असे गंभीर जखमी झालेल्या युवकाचे नाव आहे.
जेजुरी पोलिसांनी दिलेल्या माहितीनुसार, राहुल पवार व सतीश खैरे हे मंगळवारी (ता. १०) रात्री १० वाजण्याच्या सुमारास एका हॉटेल मध्ये जेवण करून मोरगाव रस्त्यावरून जेजुरी कडे निघाले होते. यावेळी पाठीमागून येणाऱ्या आयशर टेम्पोने दुचाकी गाडीला जोरदार धडक दिली.
दरम्यान, या अपघातात राहुल पवार हा युवक गंभीर जखमी होऊन त्याचा मृत्यू झाला तर सतीश खैरे हा युवक गंभीर जखमी झाला आहे. या प्रकरणी जेजुरी पोलीस स्टेशनचे पोलीस निरीक्षक बापूसाहेब सांडभोर यांच्या मार्गदर्शनाखाली जेजुरी पोलीस तपास करीत आहेत.
