Jejuri News : पुणे : जेजुरीचे माजी नगरसेवक मेहबूब पानसरे यांच्या हत्या प्रकरणातील एका मारेकऱ्यास वाघोलीत अटक करण्यात आली. गुन्हे शाखा युनिट सहाच्या पथकाने ही कारवाई केली.(Jejuri News)
युनिट सहाच्या पथकाने ही कारवाई केली.
दत्ता मारुती मळेकर (वय 45 वर्ष, रा. गुरुवार पेठ, महाराणा प्रताप रोड, पुणे) असे अटक केलेल्या मारेकऱ्याचे नाव आहे. राष्ट्रवादी कॉंग्रेसचे माजी नगरसेवक मेहबुब सय्यदलाल पानसरे यांची 7 जुलै रोजी जमिनीच्या वादातून जेजुरी येथे निर्घृण हत्या करण्यात आली होती. या हत्येनंतर राजकीय क्षेत्रात प्रचंड खळबळ उडाली होती.(Jejuri News)
पोलीसांनी तपासाची चक्रे वेगाने फिरवत या गुन्ह्यातील आरोपी मळेकर याला वाघोलीतून अटक केली. आरोपी मळेकर हा गायरान परिसरात येणार असल्याची माहिती गुन्हे शाखा युनिट सहाला मिळाली होती. त्यानुसार, युनिट सहाचे वरिष्ठ पोलीस निरीक्षक रजनीश निर्मल यांनी पथक तयार करून त्याला पकडण्याची मोहीम हाती घेतली होती. त्याला गायरान परिसरात ताब्यात घेण्यात आले.
गुन्ह्यात सहभागी असल्याची माहिती
आरोपी मळेकर याची चौकशी केली असता गुन्ह्यात त्याचा प्रत्यक्ष सहभाग असल्याची माहिती मिळाली. त्यामुळे त्याला पुढील कारवाईसाठी जेजुरी पोलिसांच्या ताब्यात देण्यात आले आहे.(Jejuri News)
