Indapur News : इंदापूर, (पुणे) : पूर्ववैमन्यासातून चुलत भावानेच भावाचा धारधार कोयत्याने खून करून मृतदेह विहिरीत फेकुन दिल्याची घटना इंदापूर तालुक्यात घडली आहे. कळंब (ता. इंदापूर) ग्रामपंचायत हद्दीत बुधवारी (ता. २३) दुपारी तीन वाजण्याच्या सुमारास हि घटना उघडकीस अली आहे. या घटनेने संपूर्ण इंदापूर तालुक्यात एकच खळबळ उडाली आहे.
मृतदेह विहिरीत फेकुन दिल्याची घटना
हनुमंत सर्जेराव जाधव (रा. कळंब, ता. इंदापूर) असे खून झालेल्या व्यक्तीचे नाव आहे. तर दत्तात्रय हरिदास जाधव असे खून करणाऱ्या संशयीत आरोपीचे नाव आहे. पोलिसांनी दत्तात्रय जाधव याला ताब्यात घेतले आहे. Indapur News
इंदापूर पोलिसांनी दिलेल्या माहितीनुसार, बुधवारी सकाळी हनुमंत जाधव हे त्यांच्या शेतातील वीजपंप सुरू करण्यासाठी निघाले असताना जनावरांना चारा टाकण्यासाठी थांबलेल्या दत्तात्रय जाधव याने पूर्ववैमन्यासातून शेजारी ठेवलेला कोयता उचलला आणि थेट हनुमंत जाधव यांना यांच्यावर कोयत्याने वार केले. अचानक झालेल्या या हल्ल्यात हनुमंत जाधव हे स्वतःला वाचू शकले नाहीत, त्यांच्यावर झालेल्या या हल्ल्यात त्यांचा जागीच मृत्यू झाला. Indapur News
दत्तात्रय हरिदास जाधव याने हा मृतदेह शेजारच्या पाणी नसलेल्या विहिरीत टाकून दिला आणि त्यानंतर दत्तात्रय जाधव याने तिथून पलायन केले. मात्र ही घटना काही जणांच्या लक्षात आली आणि त्यांनी तातडीने पोलिसांना तसेच ग्रामस्थांना माहिती दिली. Indapur News
दरम्यान, सदर घटनेची वालचंदनगर पोलिसांना माहिती मिळताच तत्काळ घटनास्थळी दाखल झाले. पोलिसांनी आजूबाजूला शोध घेतल्यानंतर शेजारच्या उसात दत्तात्रय जाधव हा आढळून आला. त्याला पोलिसांनी ताब्यात घेतले. याप्रकरणी दत्तात्रय जाधव याच्यावर खुनाचा गुन्हा दाखल करण्यात आला असून त्यास अटक करण्यात आली आहे. वालचंदनगर पोलीस ठाण्याचे सहाय्यक निरीक्षक साळुंखे पुढील तपास करीत आहेत.
