Hadapsar News : हडपसर, (पुणे) : क्रेडिट कार्डच्या कर्जाचे हप्ते थकल्याने वसुलीसाठी आलेल्या खासगी बँकेच्या एजंटांनी एका तरुणाला बेदम मारहाण केल्याचा धक्कादायक प्रकार हडपसरमध्ये घडला आहे. या घटनेची चित्रफीत (व्हिडिओ) समाज माध्यमांवर व्हायरल होताच हडपसर पोलिसांनी वसुली करणाऱ्या एजंटाविरुद्ध खंडणीचा गुन्हा दाखल करुन त्यांना अटक केली. तसेच पोलीस आयुक्त अमितेश कुमार यांनी या प्रकरणाची गंभीर दखल घेत सर्व वसुली एजंटांची झाडाझडती घेण्याचे आदेश दिले आहेत. Hadapsar News
याप्रकरणी जय सुहास कासार (वय-26, रा. मांजरी, हडपसर), विनीत सुहास कासार (वय ३०, रा. मांजरी, हडपसर) व तनिष्क हरीष खुडे (वय १९, रा. मुंढवा) असे अटक करण्यात आलेल्या तिघांची नावे आहेत. Hadapsar News
पोलिसांनी दिल्लेल्या माहितीनुसार, तक्रारदार ३५ वर्षीय तरुण एका खासगी कंपनीत व्यवस्थापक म्हणून कार्यरत आहेत. त्यांनी एका बँकेकडून क्रेडिट कार्डवर कर्ज घेतले होते, ज्याचे काही हप्ते थकले होते. २७ एप्रिल रोजी दुपारी १ च्या सुमारास आरोपी जय कासार आणि त्याचे साथीदार तक्रारदाराच्या ऑफिसमध्ये पोहोचले. त्यांनी सुरुवातीला तरुणाला बदनामी करण्याची धमकी दिली आणि कर्जाच्या रकमेपेक्षा जास्त पैशांची मागणी केली. Hadapsar News
जेव्हा तरुणाने जादा पैसे देण्यास नकार दिला, तेव्हा या तिघांनी त्याला शिवीगाळ करत दांडक्याने मारहाण करण्यास सुरुवात केली. विशेष म्हणजे, एका महिला पोलीस कर्मचाऱ्यासमोर हा प्रकार घडत होता. त्या महिला कर्मचाऱ्याने तातडीने मध्यस्थी करत तरुणाला या गुंडांच्या तावडीतून सोडविले. या घटनेचा व्हिडिओ व्हायरल झाल्यानंतर हडपसर पोलिसांनी तातडीने हालचाली करत आरोपींवर खंडणीचा गुन्हा दाखल केला. Hadapsar News
एजंटांची होणार ‘चारित्र्य पडताळणी’
या घटनेमुळे पुणे शहरात वसुली एजंटांच्या वाढत्या दहशतीचा प्रश्न ऐरणीवर आला आहे. पोलीस आयुक्त अमितेश कुमार यांनी स्पष्ट केले की, वसुलीच्या नावाखाली कोणालाही कायदा हातात घेण्याचा अधिकार नाही. त्यांनी आदेश दिले आहेत की सर्व बँकांच्या वसुली एजंटांची चारित्र्य पडताळणी केली जावी. धमकाविणाऱ्या किंवा मारहाण करणाऱ्या एजंटांविरुद्ध कडक कायदेशीर कारवाई करावी. Hadapsar News
दरम्यान, सध्या पोलीस उपनिरीक्षक हसन मुलाणी या प्रकरणाचा अधिक तपास करत आहेत. या कारवाईमुळे बेकायदेशीरपणे वसुली करणाऱ्या एजंटांचे धाबे दणाणले आहेत. Hadapsar News
