रांजणगाव गणपती : कारेगाव (ता. शिरूर) येथील फिनिक्स सिटी प्लॅाटीगच्या हद्दीत विठ्ठल केशव शेळके (वय 35, रा. मुडेंकरवाडी, ता. श्रीगोंदा) या व्यक्तीचा मृतदेह मिळून आला होता. पोलिस दफ्तरी अकस्मात मृत्यू अशी नोंद करण्यात आली होती. मात्र, पोलिसांनी मयताच्या शवविच्छेदनावरून तपास करत आरोपीला बेड्या ठोकल्या असल्याची माहिती पोलिस उपनिरीक्षक सुहास रोकडे यांनी दिली.
पोलिसांनी दिलेल्या माहितीनुसार, मतदेह सापडला त्या ठिकाणी झोपण्याच्या कारणावरून विठ्ठल व आरोपी वामन बबन चौगुले (रा. जवळा ता.पारनेर) यांच्यात दारू पिण्यावरून वाद झाला होता. त्यावेळी वामन चौगुले याने विठ्ठलच्या डोक्यात सिमेंटचा ठोकला टाकला. त्यात त्याचा मृत्यू झाला.
याबाबत मृतदेहाचा शवविच्छेदन रिपोर्ट आल्यानंतर त्या आधारे कारवाई करत गुन्हा दाखल करण्यात आला. यासाठी पोलिस निरीक्षक महेश ढवाण, पोलिस उपनिरीक्षक शिवाजी मुंढे, सहाय्यक फौजदार दत्तात्रेय शिंदे, विजय शिंदे, उमेश कुतवळ यांच्या सहाय्याने आरोपीस हडपसर पुणे येथून अटक करण्यात आली आहे. पुढील तपास पोलिस उपनिरीक्षक सुहास रोकडे करत आहेत.
