पुणे प्राईम न्यूज: सलमान खानचा मोस्ट अवेटेड चित्रपट ‘टायगर 3’ चा ट्रेलर रिलीज झाला आहे. ट्रेलर येताच प्रेक्षकांची या चित्रपटाबद्दलची उत्सुकता वाढली आहे. या चित्रपटात सलमान खान पुन्हा एकदा सुपर डिटेक्टिव्ह अविनाश सिंग राठोड उर्फ टायगरच्या भूमिकेत दिसणार आहे. ‘एक था टायगर’ आणि ‘टायगर जिंदा है’नंतर आता ‘टायगर 3’मध्ये कतरिनाही फुल अॅक्शनमध्ये दिसणार आहे.
एकीकडे प्रेक्षक ‘टायगर 3’चा ट्रेलर पसंत करत आहेत, तर दुसरीकडे कतरिना कैफच्या एका सीनने चाहत्यांची मनं जिंकली आहेत. वास्तविक, ट्रेलरमध्ये कतरिनाचा 3-4 सेकंदाचा सीन दिसत आहे, ज्यामध्ये अभिनेत्री टॉवेल घालून जोरदार फाईट करताना दिसत आहे. या सीनमधील अभिनेत्रीची एनर्जी आणि अॅक्शन अवतार पाहून चाहते तिची खूप प्रशंसा करत आहेत आणि त्यांच्या प्रतिक्रिया देत आहेत.
कतरिना कैफच्या टॉवेल फाईटवर एका यूजरने लिहिले – ‘मला कधीच वाटले नव्हते की, भारतीय मेनस्ट्रीम अॅक्शन फिल्म इतकी धाडसी असेल. आयआरएफला सलाम. आणखी एका व्यक्तीने लिहले की, ‘द कॅट टॉवेल फाईट हा या चित्रपटातील सर्वोत्कृष्ट सीन आहे.’ आणखी एका युजरने कमेंट केली की, ‘यावेळी कतरिनाने ऍक्टिंगमध्ये कमाल केली आहे.’ याशिवाय एका व्यक्तीने लिहिले- ‘कतरिना, ओह माय गॉड ही टॉवेल फाईट.’
‘टायगर 3’ 12 नोव्हेंबरला रिलीज होणार
‘टायगर 3’ हा यशराज फिल्म्सच्या स्पाय युनिव्हर्सच्या बॅनरखाली बनलेला चित्रपट आहे, ज्याचे दिग्दर्शन मनीष शर्मा यांनी केले आहे. या चित्रपटात सलमान खान आणि कतरिना कैफशिवाय इमरान हाश्मीही मुख्य भूमिकेत दिसणार आहे. हा चित्रपट यावर्षी दिवाळीच्या मुहूर्तावर 12 नोव्हेंबरला थिएटरमध्ये प्रदर्शित होणार आहे.
