बीड : ईव्हीएम मशीनमधील सरपंच पदाच्या उमेदवारासमोरील निशाणीचे बटन चक्क फेवीक्वीक टाकून ब्लॉक केल्याचा धक्कादायक प्रकार लिंबागणेश (ता. बीड) येथे घडला आहे.
लिंबागणेश गावातील ग्रामपंचायतिचे व सरपंचपदासाठी गावातील जिल्हा परिषेदेच्या शाळेत मतदान प्रक्रिया सुरळीत सुरु होती. सरपंच पदाचे उमेदवार गणेश कल्याण वाने यांच्या तीन नंबरवर असलेल्या शिटी निशाणी समोरील बटणावर अज्ञात व्यक्तीने फेविक्विक टाकल्याचा प्रकार समोर आला. ईव्हीएम मशीनवरील बटण दबत नसल्याचे मतदारांच्या लक्षात आल्यावर हा सर्व प्रकार समजला.
दरम्यान, एक तास मतदान प्रक्रिया ठप्प झाली होती. उपविभागीय अधिकाऱ्यांनी मतदान केंद्राला भेट देत पाहणी केली. तसेच सरपंच पदाचे उमेदवार गणेश वाने यांनी याबाबत तक्रार दिली. तक्रारीनंतर संबधित व्यक्तीवर गुन्हा दाखल करण्यात येणार आहे.
