Daund News दौंड, ता. १२ : “फायनान्स कंपनीतील ओळखी”च्या आमिषाने विश्वास संपादन करत एका ज्येष्ठ नागरिकाकडून पैसे, सोने आणि मौल्यवान वस्तू घेत त्यांची फसवणूक करण्यात आल्याचा धक्कादायक प्रकार दौंडमध्ये उघडकीस आला आहे. एवढेच नव्हे तर सततच्या आर्थिक, मानसिक आणि शारीरिक त्रासामुळे संबंधित ज्येष्ठ नागरिकाला आत्महत्येस प्रवृत्त केल्याचा गंभीर आरोप १३ जणांवर करण्यात आला असून, या प्रकरणामुळे दौंड शहरात मोठी खळबळ उडाली आहे. Daund News
1) संजय भिमराव बारवकर दौंड , 2) अरीफ शमशुददीन शेख दौंड , 3) प्रकाश आबाजी भालेराव दौंड ,4) अख्तर अहमद शेख दौंड, 5) आदित्य सुधीर जगताप (पुणे ) ,6)शंकर रमेश वाघमारे दौंड 7) राजू भीमराव बारवकर 8) शितोळे ,9) सोनवणे ,10) चोप्रा ,11) कुलकर्णी (मॅडम) ,12)शिंदे ,13) मुल्ला (मुंबई) पूर्ण नाव माहीत नाही) अशी गुन्हा दाखल करण्यात आलेल्या आरोपींची नावे आहेत. या प्रकरणी अव्दैत विवेक गटणे (वय ३७, व्यवसाय खासगी नोकरी, मूळ रा. महादेव गल्ली, दौंड, सध्या रा. क्विन्स टाउन, चिंचवड रेल्वे स्टेशन समोर, चिंचवड, पुणे) यांनी दौंड पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी अव्दैत गटणे यांचे वडील विवेक शंकर गटणे (वय ७२, रा. महादेव गल्ली, दौंड) यांच्याशी आरोपींनी मागील एक वर्षभर संपर्क ठेवत “आमचे काही व्यक्ती फायनान्स कंपनीत कर्मचारी असून मोठे आर्थिक व्यवहार करून देऊ” असे सांगून विश्वास संपादन केला.
त्यानंतर वेळोवेळी त्यांच्याकडून पैसे, सोने तसेच इतर मौल्यवान वस्तू घेतल्या. मात्र, घेतलेले पैसे आणि वस्तू परत करण्यास आरोपींनी टाळाटाळ सुरू केली. वारंवार मागणी करूनही रक्कम आणि दागिने परत न मिळाल्याने विवेक गटणे यांना मोठा मानसिक धक्का बसला. आरोपींकडून सतत त्रास दिला जात असल्याने ते आर्थिक, मानसिक आणि शारीरिकदृष्ट्या खचले होते, असा आरोप फिर्यादीने केला आहे. Daund News
या छळाला कंटाळून विवेक गटणे यांनी टोकाचे पाऊल उचलल्याची माहिती समोर आली आहे. विशेष म्हणजे, मृत्यूपूर्वी त्यांनी एका वहीत संबंधित आरोपींची नावे लिहून ठेवली होती. या वहीच्या आधारे पोलिसांनी १३ जणांविरोधात गंभीर स्वरूपाचा गुन्हा दाखल केला आहे. या प्रकरणी भारतीय न्याय संहिता कलम १०८, ३५१(२), ३५२ आणि ३(५) अंतर्गत गुन्हा दाखल करण्यात आला असून, पुढील तपास पोलीस उपनिरीक्षक रूपेश कदम करत आहेत. Daund News
दरम्यान, या घटनेमुळे दौंड शहरात हळहळ व्यक्त होत असून, “विश्वासाच्या नात्याचा गैरफायदा घेत ज्येष्ठ नागरिकाला संपवले,” अशी संतप्त प्रतिक्रिया नागरिकांकडून व्यक्त केली जात आहे. पोलिसांकडून आरोपींची सखोल चौकशी सुरू असून, आर्थिक व्यवहारांची माहितीही तपासली जात आहे. Daund News
