Daund Crime News : दौंड, (पुणे) : दौंड पोलीस ठाण्याच्या उंबरठ्यावरच तक्रार देण्यासाठी आलेल्या तरुणाला पोलीस ठाण्याच्या पार्किंगमध्येच गाठून कोयता आणि लोखंडी रॉडने जीवे मारण्याचा प्रयत्न करण्यात आला. सोमवारी (ता. 27) रात्री नऊ वाजण्याच्या सुमारास दौंड पोलीस स्टेशनच्या समोर पार्किंगमध्ये हि घटना घडली असून, या घटनेने दौंड शहरात प्रचंड खळबळ उडाली आहे. Daund Crime News
मयुर पोपट सुळ (वय-30, रा. गोपाळवाडी, ता. दौंड) असे मारहाण झालेल्या तरुणाचे नाव आहे. त्यांनी दिलेल्या तक्रारीनुसार दौंड पोलिसांनी प्रतिक महादेव होले, संकेत राजू होले, राजु दिनकर होले, ऋषीकेश रमेश होले, साजन गिरमे, शेखर झोरे, श्रीनाथ सोपान होले, गोरख बनकर, संदिप छगन होले आणि इतर ३-४ अनोळखी इसमांविरुद्ध भारतीय न्याय संहितेच्या (BNS) विविध कलमांनुसार खुनाचा प्रयत्न आणि दंगलीचा गुन्हा दाखल केला आहे. Daund Crime News
पोलिसांनी दिलेल्या माहितीनुसार. फिर्यादी मयुर सुळहे आपल्या सहकाऱ्यांसह संकेत राजू होले व त्याच्या साथीदारांविरुद्ध तक्रार देण्यासाठी पोलीस ठाण्यात आले होते. ते पोलीस ठाण्याच्या बाजूच्या पार्किंगमध्ये असतानाच, आरोपींनी त्यांना अडवले. सुरुवातीला प्रतिक होले याने भांडणास सुरुवात केली. त्यानंतर आरोपी संकेत राजू होले याने जमलेल्या जमावाला “ठार मारा” अशी उघड चिथावणी दिली. Daund Crime News
आरोपी शेखर झोरे याने मयुर यांना धक्का देऊन जमिनीवर पाडले. त्याचवेळी संकेत होले याने हातातील कोयत्याने मयुर यांच्या गळ्यावर वार केला, मात्र त्यांनी तो वार चुकवल्याने तो त्यांच्या डोक्याला लागला. त्यानंतर साजन गिरमे याने लोखंडी रॉडने मयुर यांच्या कमरेवर प्रहार केला, तर इतर आरोपींनी त्यांना लाथाबुक्क्यांनी बेदम मारहाण केली. Daund Crime News
पोलीस ठाण्यासारख्या संवेदनशील ठिकाणी अशा प्रकारे जमावाने येऊन खुनी हल्ला केल्याने दौंड पोलिसांच्या कार्यक्षमतेवर प्रश्नचिन्ह निर्माण झाले आहे. हल्ल्यादरम्यान आरोपींनी फिर्यादीचे चुलते प्रदीप सुळ यांनाही शिवीगाळ करत धमकावले असल्याचे फिर्यादीत म्हटले आहे. Daund Crime News
दरम्यान, मयुर सुळ यांच्या तक्रारीवरून पोलिसांनी वरील 12 जणांवर खुनाचा प्रयत्नाचा गुन्हा दाखल केला असून या प्रकरणाचा अधिक तपास पोलीस उपनिरीक्षक बिद्री करीत आहेत. Daund Crime News
