Daund Crime दौंड, (पुणे) : दौंड रेल्वे (Daund Crime) स्थानकावर मध्यरात्रीपासून ओरडत असलेल्या एका तरुणाने उभ्या असलेल्या एका रेल्वे मालगाडीवर चढून वीजवाहिनीला स्पर्श करण्याची धमकी देणाऱ्या एका तरुणाला रेल्वे कर्मचाऱ्यांनी प्रसंगावधान साधत खाली घेतले आहे. हि घटना सोमवारी (ता. २०) सकाळी आठ वाजण्याच्या सुमारास घडली आहे.
वाहिनीचा वीजपुरवठा खंडित…
मिळालेल्या माहितीनुसार, सोमवारी सकाळी आठ वाजण्याच्या सुमारास फलाट क्रमांक पाच व दोन मधील मेन लाइन वर थांबलेल्या मालगाडीवर एक तरूण चढला. डब्यावर चढून तो त्यावरील उच्च क्षमतेच्या वीजवाहिनीला स्पर्श करून आत्महत्या करणार असल्याची धमकी देत होता. रेल्वे कर्मचाऱ्यांनी ही माहिती वरिष्ठांना देताच त्या वाहिनीचा वीजपुरवठा खंडित करण्यात आला.
रेल्वे कर्मचाऱ्यांनी त्याला खाली उतरण्याचे आवाहन केले परंतु तो हात उंचावून स्पर्श करण्याची धमकी देत होता. एका रेल्वे कर्मचार्याने डब्यावर चढून त्याला धरले आणि दुसऱ्या बाजूने अन्य एकाने त्याला धरून खाली उतरविले.
दरम्यान, त्याला खाली उतरताच तरूणाने पळायचा प्रयत्न केला. परंतु त्याला पकडून रेल्वे सुरक्षा दलाच्या ताब्यात देण्यात आले.
अधिक बातम्या वाचण्यासाठी येथे क्लिक करा…
