Daund Crime दौंड, (पुणे) : यवत पोलीस ठाण्याच्या हद्दीतील कासुर्डी (ता. दौंड) पोलीस ठाण्याच्या हद्दीत गरोदर असलेल्या अंदाजे ३५ ते ४० वयोगटातील एका महिलेचा मृतदेह आढळून आला आहे.
यवत पोलिसांनी दिलेल्या माहितीनुसार…!
कासुर्डी गावच्या हद्दीत वाहत्या कॅनॉलमध्ये महिला कपडे धुण्यासाठी गेल्या होत्या. येळी एका महिलेला एक ३५ ते ४० वर्ष वय असलेली एक महिला ही पाण्यात वाहत आल्याचे दिसून आली. यावेळी त्यांनी सदर माहिती ही गावच्या पोलीस पाटील अश्विनी सोनवणे यांना दिली.
मिळालेल्या माहितीनुसार, यवत पोलीस घटनास्थळी दाखल झाले असता पंचनामा करून यवत पोलिसांनी सदर प्रेत हे यवत ग्रामिण रूग्णालय येथे शवविच्छेदन करण्यासाठी पाठविले. यावेळी सदर महिला हि ७ ते ८ महिन्यांची गरोदर असल्याची माहिती पोलिसांना मिळाली आहे. कॅनॉलमध्ये सापडलेली मृत महिला गरोदर असल्याने परिसरात हळहळ व्यक्त होत आहे.
दरम्यान, पोलीस ठाण्यात सदर महिलेबाबत मिसिंग रजिस्टर असेल तर यवत पोलिसांशी संपर्क साधण्याचे आवाहन पोलीस निरीक्षक हेमंत शेडगे यांनी केले आहे. कोणाला काही माहिती असल्यास पोलीस हवालदार नगरे – 9850882089
व पोलीस नाईक मड्डी- 7499831408 यांच्या नंबरवर फोन करण्याचे आवाहन पोलिसांनी केले आहे. तपास पोलीस उपनिरीक्षक एस. व्ही. चव्हाण करीत आहेत.
