राहुलकुमार अवचट
Daund Crime यवत (दौंड) : दौंड तालुक्यातील मौजे खामगाव गावाच्या हद्दीत एका परप्रांतीयाचा धारदार हत्याराने गळा चिरून खून केल्याची घटना समोर आली आहे तर, एकास जिवे मारण्याचा प्रयत्न करत गंभीर जखमी केले आहे. हा खून नेमका कोणत्या कारणातून करण्यात आला आहे हे अद्याप कळून शकले नाही. ही घटना शुक्रवार दि. ३१ रोजी सायंकाळी ०६.३० च्या सुमारास घडली आहे.
मुकेश उर्फ मुक्तार यादव (वय ४५ रा.धरमपुर जि.गाझीपुर उत्तरप्रदेश) असे खून करण्यात आलेल्या कामगाराचे नाव आहे तर रामकुंवर यादव (वय ४४ रा.डिग्गी जि.चंदोली , उत्तरप्रदेश) जखमी कामगाराचे नाव आहे.
याप्रकरणी कुणाल सदाषिव कवडे (वय ३८ रा.खामगाव ता.दौंड,मुळ रा घोरपडीगाव , बी.टी.कवडे रोड पुणे) यांनी यवत पोलीस ठाण्यात तक्रार दाखल केली आहे. त्यावरून अशोक गायकवाड ( पत्ता माहिती नाही) याच्या विरोधात गुन्हा दाखल केला आहे.
मिळालेल्या माहितीनुसार…!
खामगाव येथे असलेल्या गोठ्यावरील कामगार मुकेश याचा अज्ञात कारणाने धारदार हत्याराने गळा चिरून खून केला तर दुसरा कामगार रामकुंवर याला जिवे मारण्याचा प्रयत्न केला. यासंदर्भात गोठा मालक कवडे यांनी यवत पोलीसात तक्रार दाखल केली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Daund News : पाण्याच्या टाकीत पडून ५ वर्षाच्या मुलाचा मृत्यू ; दौंड तालुक्यातील घटना
