Daund Accident News : दौंड, (पुणे) : दौंड-पाटस रोडवरील दौंड कृषी बाजार समितीचे समोर अज्ञात भरधाव पिकअप चालकाने समोरून येणाऱ्या दुचाकीला जोरदार दिलेल्या धडकेत एका 28 वर्षीय तरुणाचा जागीच मृत्यू झाल्याची घटना घडली आहे. शुक्रवारी (ता. 08) दुपारी पाऊणे तीन वाजण्याच्या सुमारास हि घटना घडली. Daund Accident News
स्वप्नील बाळासो चोरमले (वय-28, रा. पाटस, ता. दौंड) असे अपघातात मृत्यू झालेल्या तरुणाचे नाव आहे. याप्रकरणी अक्षय बबन कोळेकर (वय-28 वर्षे व्यवसाय शेती रा. तामखडा पाटस ता. दौंड) यांनी दौंड पोलीस ठाण्यात फिर्याद दिली आहे. त्यानुसार अज्ञात पिकअप चालकाच्या विरोधात दौंड पोलीस ठाण्यात गुन्हा दाखल करण्यात आला आहे. Daund Accident News
पोलिसांनी दिलेल्या माहितीनुसार, शुक्रवारी (ता. 08) दुपारी पाऊणे तीन वाजण्याच्या सुमारास स्वप्नील चोरमले हे आपल्या टीव्हीएस मोटारसायकलवरून (MH 42 BV 0346) देऊळगाव राजे येथून पाटसच्या दिशेने जात होते. दौंड कृषी बाजार समितीच्या समोर आले असता, समोरून येणाऱ्या एका अज्ञात पिकअप चालकाने आपल्या ताब्यातील वाहन भरधाव वेगात आणि हयगयीने चालवून स्वप्नील यांच्या मोटारसायकलला समोरून जोराची धडक दिली. Daund Accident News
या भीषण धडकेत स्वप्नील यांच्या डोक्याला आणि चेहऱ्याला गंभीर जखमा झाल्या. त्यांना तातडीने दौंड उपजिल्हा रुग्णालयात औषधोपचारासाठी नेण्यात आले, मात्र तेथील डॉक्टरांनी त्यांना तपासून उपचारापूर्वीच मयत घोषित केले. या घटनेची माहिती मिळताच स्वप्नील यांचा चुलत भाऊ अक्षय कोळेकर आणि नातेवाईकांनी रुग्णालयात मोठी गर्दी केली होती. Daund Accident News
अपघात केल्यानंतर पिकअप चालक घटनास्थळावर न थांबता आपल्या वाहनासह फरार झाला आहे. याप्रकरणी अक्षय कोळेकर यांनी दिलेल्या फिर्यादीवरून दौंड पोलिसांनी अज्ञात पिकअप चालकाविरुद्ध भारतीय न्याय संहिता (BNS) कलम १०६(१), १२५(a), १२५(b), २८१ आणि मोटार वाहन अधिनियम १८४, १३४, १७७ नुसार गुन्हा दाखल केला आहे. या प्रकरणाचा पुढील तपास पोलीस हवालदार शेख करत आहेत. Daund Accident News
