Crime News |लोणी काळभोर, (पुणे) : कुसगाव (ता. भोर) येथील बेपत्ता असलेल्या व्यक्तीचे अपहरण करून त्याचा खून करून खुनाचा पुरावा नष्ट करणाऱ्या दोन सराईत आरोपींना स्थानिक गुन्हे अन्वेषण (ग्रामीण) शाखेच्या पोलिसांनी बेड्या ठोकल्या.
दिपक धनाजी जगताप (वय ३१, रा. रांजे ता. भोर) आणि सागर नानासाहेब लिमन (वय २६, रा. पारवडी ता. भोर) असे खून करणाऱ्या दोन आरोपींची नावे आहेत. अजय अंकुश मांजरे (कुसगाव, ता. भोर) असे खून झालेल्या व्यक्तीचे नाव आहे. याप्रकरणी अक्षय अंकुश मांजरे याने पोलीस ठाण्यात फिर्याद दिली होती.
स्थानिक गुन्हे शाखेचे वरिष्ठ पोलीस निरीक्षक अविनाश शिळीमकर यांनी दिलेल्या माहितीनुसार, कुसगाव येथील अजय मांजरे सोमवारी (ता. ०८) पासून बेपत्ता असल्याची तक्रार राजगड पोलीस ठाण्यात देण्यात आली होती. त्याअनुशंघाने ग्रामीण शाखेचे पोलीस तपास करीत होते. त्यानुसार पोलीस निरीक्षक अविनाश शिळीमकर यांना बेपत्ता असलेल्या व्यक्तीचा अपहरण करून खुन करण्यात आल्याची माहिती एका खबऱ्याकडून मिळाली होती. तसेच मयत अजय मांजरे याचा भाऊ अक्षय अंकुश मांजरे याने तीन व्यक्तीच्या विरुद्ध फिर्याद दिली होती.
प्रेत वरंधा घाटातून दरीत फेकल्याची माहिती…
त्यानुसार पोलिसांनी गुन्हयातील पाहिजे आरोपी दिपक जगताप व सागर लिमन यांना ताब्यात घेतले. दोन्ही आरोपी सराईत असून त्यांच्यावर खुनाचा प्रयत्न, अवैध पिस्टल बाळगून त्याची विक्री करणे, अशा प्रकारचे गुन्हे वेगवेगळया पोलीस स्टेशनला दाखल आहेत. आरोपींना राजगड पोलिसांच्या ताब्यात दिल्यानंतर स्थानिक गुन्हे शाखेच्या पथकाने तपासात आरोपींनी अपहरण केलेल्या अजय अंकुश मांजरे याचा खुन केला. तसेच मयत प्रेत वरंधा घाटातून दरीत फेकून दिली असल्याचे माहिती पोलिसांना दिली.
दरम्यान, आरोपींनी खून करून मयताचे प्रेत ज्या चारचाकी वाहनातून घेवून गेले होते, ते वाहन पोलिसांनी हस्तगत करून त्या वाहनातून तीन गावटी पिस्टल, आठ जिवंत काडतूसे, दोन मोबाईल, अजय मांजरे याचा खुन केल्यानंतर त्याचा मोबाईल आरोपी घेवून गेले होते. तो मोबाईल हस्तगत करण्यात आलेला आहे.
चार दिवसांची पोलीस कस्टडी…
प्रेताचा शोध घेण्यासाठी सीस्कैंप रेस्क्यू अँड रिलीफ महाड, शिरवळ रेस्क्यू टिम, महाबळेश्वर ट्रेकर्स महाबळेश्वर या टिमची महत्त्वाची भूमिका बजावली आहे.आरोपींना मा. भोर न्यायालयाने चार दिवसांची पोलीस कस्टडी रिमांड दिली असून गुन्हयाचा तपास राजगड पोलीस स्टेशन व स्थानिक गुन्हे शाखा करत आहेत.
सदरची कामगिरी स्थानिक गुन्हे शाखेचे वरिष्ठ पोलीस निरीक्षक अविनाश शिळीमकर,सहायक पोलीस निरीक्षक नेताजी गंधारे, महादेव शेलार, राहुल गावडे, पोलीस उपनिरीक्षक प्रदीप चौधरी, अभिजीत सावंत, गणेश जगदाळे, पोलीस अंमलदार सचिन घाडगे, अजित भुजबळ, राजु मोमीण, चंद्रकांत जाधव, मंगेश थिगळे, अमोल शेडगे, बाळासाहेब खडके, मंगेश भगत, बाळासाहेब कारंडे, हनुमंत पासलकर, विजय कांचन, हेमंत बिरोळे, धिरज जाधव, विक्रम तापकीर, अजय घुले, योगेश नागरगोजे, समाधान नाईकनवरे, तुषार भोईटे, निलेश सुपेकर, प्रसन्ना घाडगे, प्रमोद नवले, अक्षय सुपे, मुकुंद कदम, यांचे मदतीने केली असून पुढील तपास राजगड पोलीस ठाण्याचे पोलीस उपनिरीक्षक सचिन पाटील, देठे हे करत आहेत.
अधिक बातम्या वाचण्यासाठी येथे क्लिक करा….!
Loni Kalbhor News : लोणी काळभोर येथील एका २० वर्षीय तरुणाची गळफास घेऊन आत्महत्या
