Crime पुणे : किराणा मालाचे दुकान फोडून सिगारेटचे बॉक्स चोरणार्‍या आंतरराज्य टोळीला गुन्हे शाखेच्या युनिट एकच्या पथकाने ताब्यात घेतले आहे. त्यांच्याकडून ४ लाख १० हजारांचा मुद्देमाल जप्त केला आहे.
बुधाराम बियाराम चौधरी (वय ४५, रा. वडगाव शेरी, मूळ – रा. राणी वाल, ता. जितारण, जि. पोली, राजस्थान) रामलाल ढगळाराम चौधरी (वय – २९) आणि महावीर बगदाराम मेघवंशी (वय १९, दोघेही रा. दत्तवाडी, मूळ-राजस्थान) अशी अटक केलेल्यांची नावे आहेत.
पोलिसांनी दिलेल्या माहितीनुसार…!
नाना पेठमधील जय अंबे ट्रेडर्स किराणा दुकानाचे शटर उचकटून चोरट्यांनी ५ लाख १० हजारांची सिगारेट पाकिटे चोरून नेली होती. युनिट एककडून आरोपींचा शोध सुरू होता. तांत्रिक विश्लेषणाद्वारे तीन रिक्षांतून प्रवास करीत वडगाव शेरीत उतरल्याचे निष्पन्न झाले. पोलिस कर्मचारी आण्णा माने, अमोल पवार यांना आरोपींची माहिती मिळाली.
दरम्यान, वरिष्ठ पोलिस निरीक्षक शब्बीर सैय्यद यांच्या मार्गदर्शनाखाली पथकाने आरोपी बुधारामला ताब्यात घेतले. चौकशीत त्याने साथीदारांच्या मदतीने नाना पेठेतील दुकानातून सिगारेटची चोरी केल्याची कबुली दिली. त्याच्या दोन साथीदारांनाही पथकाने अटक केली. त्याच्याविरुद्ध यापूर्वी विश्रामबाग, कोंढवा, समर्थ, हडपसर परिसरात घरफोडी, चोरीचे १० गुन्हे दाखल आहेत.
अधिक बातम्या वाचण्यासाठी येथे क्लिक करा….!
Pune Crime : पतीनेच काढले त्याक्षणाचे व्हिडीओ अन नातेवाईकांना दाखविण्याची पत्नीला दिली धमकी
