CM Vijay Order : चेन्नई, : तमिळनाडूच्या राजकारणात रविवारी एका नव्या युगाचा प्रारंभ झाला. सुपरस्टार आणि टीव्हीके (TVK) पक्षाचे प्रमुख विजय यांनी तामिळनाडूचे मुख्यमंत्री म्हणून शपथ घेतली. पदभार स्वीकारल्यानंतर अवघ्या काही वेळातच त्यांनी जनहितार्थ तीन महत्त्वाच्या आदेशांवर स्वाक्षरी करून आपल्या कामाचा धडाका सुरू केला आहे. यामध्ये 200 युनिट मोफत वीज, अमली पदार्थांविरोधात कठोर मोहीम आणि महिलांच्या सुरक्षेसाठी विशेष दलाच्या स्थापनेचा समावेश आहे. CM Vijay Order
विजय यांचे पहिले तीन मोठे निर्णय:
१. मोफत वीज: राज्यातील जनतेला दिलासा देण्यासाठी प्रत्येक घराला २०० युनिट मोफत वीज देण्याचा निर्णय घेतला आहे.
२. अमली पदार्थमुक्त राज्य: राज्यात वाढत्या अमली पदार्थांच्या धोक्याचा सामना करण्यासाठी एका विशेष कृती दलाची (Special Task Force) स्थापना करण्याचे निर्देश दिले आहेत.
३. महिला सुरक्षा: महिलांच्या सुरक्षेसाठी एक विशेष हेल्पलाइन आणि समर्पित पोलीस दलाची स्थापना केली जाणार आहे. याशिवाय शिक्षण, आरोग्य आणि पिण्याच्या पाण्याची उपलब्धता यांसारख्या मूलभूत सुविधांवर आपले लक्ष केंद्रित असेल, असे त्यांनी स्पष्ट केले. तसेच शेतकरी आणि मच्छीमारांच्या कल्याणासाठी सरकार कटिबद्ध असल्याचे आश्वासन त्यांनी दिले. CM Vijay Order
“मी राजघराण्यातील नाही, तुमच्यातलाच एक”
शपथविधीनंतर विजय यांनी उपस्थित जनसमुदायाला उद्देशून अत्यंत भावनिक भाषण केले. त्यांच्या सिनेसृष्टीतील लोकप्रिय संवाद “एन नेन्जिल कुडियिरुक्कुम” (माझ्या हृदयात राहणाऱ्यांनो) ने भाषणाची सुरुवात करत त्यांनी उपस्थितांची मने जिंकली. “एका सहाय्यक दिग्दर्शकाचा मुलगा आज मुख्यमंत्री झाला आहे. मी गरिबी आणि भूक जवळून अनुभवली आहे. मी कोणत्याही राजघराण्यातील नाही, तर तुमच्या घरातील मुलगा आणि भाऊ आहे,” अशा शब्दांत त्यांनी आपला संघर्ष मांडला. CM Vijay Order
विरोधी पक्षांवर कडाडून टीका
विजय यांनी यावेळी मागील डीएमके (DMK) सरकारवर निशाणा साधला. “मागील सरकारने राज्याचा खजिना रिकामा केला असून राज्यावर १० लाख कोटी रुपयांचे कर्ज आहे. आम्ही जनतेच्या पैशाचा एक पैसाही वाया घालवणार नाही आणि कोणालाही राज्य लुटू देणार नाही,” असा निर्धार त्यांनी व्यक्त केला. राज्यात धर्मनिरपेक्षता आणि सामाजिक न्यायाचे नवे पर्व सुरू करण्याचे वचन देताना त्यांनी राहुल गांधी, प्रवीण चक्रवर्ती आणि एम. ए. बेबी यांसारख्या राजकीय सहकाऱ्यांचे पाठिंब्याबद्दल आभार मानले. CM Vijay Order
दरम्यान, मी, सी. जोसेफ विजय, भारताच्या संविधानाविषयी खरी श्रद्धा आणि निष्ठा बाळगेन. तामिळनाडूचा मुख्यमंत्री म्हणून, मी भारताची एकता आणि अखंडता अबाधित राहीन; तसेच, मी माझ्या कर्तव्यांचे पालन करेन आणि माझ्या सदसद्विवेकबुद्धीनुसार व कायद्याला अनुसरून वागेन. मी कोणालाही घाबरणार नाही, तसेच कोणत्याही एकतर्फी आदेशांपुढे झुकणार नाही. मी न्याय देईन—मी सर्व लोकांना न्याय देईन. CM Vijay Order
