Sunetra Pawar : रायगड, : रायगडमधील विकासकामांच्या भूमिपूजन कार्यक्रमात राष्ट्रवादी काँग्रेसचे प्रदेशाध्यक्ष सुनिल तटकरे यांनी केलेल्या विधानामुळे राजकीय चर्चांना उधाण आले आहे. “सुनेत्रा पवार यांची ओळख भविष्यात संपूर्ण देशात ‘पहिल्या वहिनी’ म्हणून निर्माण होईल,” असे वक्तव्य करत तटकरेंनी सुनेत्रा पवार आणि अजित पवार यांच्या नेतृत्वाचे जोरदार कौतुक केले. Sunetra Pawar
या कार्यक्रमात बोलताना सुनेत्रा पवार यांनी रायगडच्या विकासासाठी कटिबद्ध असल्याचे सांगितले. “आजचा दिवस रायगडसाठी अभिमानाचा आहे. अजित दादांनंतर मला या विकासकामांच्या कार्यक्रमासाठी बोलावले, ही माझ्यासाठी मोठी गोष्ट आहे. हा विश्वास पुढेही कायम राहील,” असे त्या म्हणाल्या. Sunetra Pawar
कोकणाशी असलेल्या भावनिक नात्याचाही त्यांनी उल्लेख केला. “कोकण ही केवळ भूमी नाही, तर मेहनती माणसांनी घडवलेली देवभूमी आहे. दादांना कोकणावर विशेष प्रेम होते. आम्ही सहलीलाही जायचो, तरी पहिली पसंती कोकणालाच असायची,” असे सांगताना त्या भावूक झाल्याचे पाहायला मिळाले. रोहामधील विकासकामांमुळे स्थानिक तरुणांना रोजगाराच्या मोठ्या संधी उपलब्ध होतील, असा विश्वासही त्यांनी व्यक्त केला. “दादांनंतर जबाबदारीने काम करण्याचा प्रयत्न करेन. तटकरे कुटुंबावर आमचे प्रेम कायम राहील,” असेही त्यांनी स्पष्ट केले. Sunetra Pawar
दरम्यान, सुनिल तटकरेंनी आपल्या भाषणात अजित पवारांच्या कार्यपद्धतीच्या अनेक आठवणींना उजाळा दिला. “दादा म्हणजे विकासाचा ध्यास घेतलेले नेतृत्व. आर्थिक शिस्त, कामातील काटेकोरपणा आणि लोकांशी जोडलेले नाते हे त्यांचे वैशिष्ट्य होते,” असे सांगत त्यांनी बारामतीच्या विकास मॉडेलचाही उल्लेख केला. “राज्यात वसंतदादा पाहिले, अजित दादा पाहिले आणि आता विकासदृष्टी असलेल्या वहिनी महाराष्ट्र पाहणार,” असे म्हणत तटकरेंनी सुनेत्रा पवार यांच्याबद्दल मोठा विश्वास व्यक्त केला. Sunetra Pawar
