Chatrapati sambhajinagar news : छत्रपती संभाजीनगर : समृद्धी महामार्गावर अपघाताची मालिका सुरूच आहे. हा महामार्ग मृत्यूचा सापळा बनत आहे. आणखी एक भीषण अपघाताची घटना समोर आली आहे. हज यात्रेसाठी निघालेल्या कुटुंबाच्या कारचा भीषण अपघात झाला आहे. या घटनेत एक वर्षाच्या चिमुकल्याचा जागीच मृत्यू झाला आहे. तर कुटुंबातील पाच जण गंभीर जखमी झाले आहेत. चालकाचे नियंत्रण सुटल्याने कार दुभाजक ओलांडून दुसऱ्या कॉरिडॉरजवळच्या दुभाजकामध्ये उलटली. कारचं टायर फुटल्यानं हा अपघात घडल्याची माहिती समोर येत आहे. (Another horrific accident on Samriddhi Highway; Hajj family car accident; The child died on the spot)
वैजापूरजवळ झाला हा अपघात
अख्तर रझा (वय 1 वर्षे) असे मृत्युमुखी पडलेल्या चिमुकल्याचे नाव आहे. (Chatrapati sambhajinagar news) आझाद अली खान (वय 49 वर्षे), अफताब अली (वय 24 वर्षे), खुशबू आलम खान (वय 26 वर्षे) यास्मिन खान (वय 18 वर्षे), सोहेल आलम खान (वय 30 वर्षे) हे गंभीर जखमी झाले. जखमींना नागरिकांनी तातडीने वैजापूर येथील उपजिल्हा रुग्णालयात दाखल केले. मात्र, नंतर त्यांनी पुढील उपचारासाठी येवला येथे हलवण्यात आहे.
मिळालेल्या माहितीनुसार, हज यात्रेसाठी मुंबईहून संभाजीनगरच्या दिशेनं जात असताना समृद्धी महामार्गावरील वैजापूरजवळ हा कारचा अपघात झाला. या घटनेत अख्तर रझा हा एक वर्षाचा चिमुकला जागीच ठार झाला तर अन्य 5 जण गंभीर जखमी झाले आहेत. (Chatrapati sambhajinagar news) अपघातग्रस्त खान कुटुंब हे मुळ बिहार राज्यातील छप्रा येथील रहिवासी असून, ते सध्या वाशी, मुंबई येथे स्थायिक झाले आहे. गया येथून 17 जून रोजी ते विमानाने हज यात्रेसाठी जाणार होते. त्यासाठी ते आपल्या गावी छप्रा येथे जात होते.
समृद्धी महामार्गावरून छत्रपती संभाजीनगरकडे जात असताना जांबरगाव, लासुरगाव दरम्यान चालकाचं कारवरील नियंत्रण सुटलं, चालकाचं नियंत्रण सुटल्यानं ही कार दुभाजक ओलांडून दुसऱ्या कॉरिडॉरजवळच्या दुभाजकामध्ये उलटली. गाडीचे टायर फुटल्याने ही दुर्घटना झाल्याचे बोलले जात आहे. (Chatrapati sambhajinagar news) या अपघातात गाडीचा चक्काचूर झाला आहे.
