पुणे : ‘प्रेम म्हणजे प्रेम असतं, तुमचं आमचं सेम नसतं’ असे म्हणण्याची वेळ आली आहे, कारण एका प्रेमवेड्याने गर्लफ्रेंड परीक्षेत नापास झाल्याने त्याने चक्क शाळेलाच आग लावली.आगीमुळे शाळेतील संपूर्ण साहित्य जळून खाक झाले. अनेक कागदपत्रे जळाली. मात्र, यामध्ये कोणतीही जीवितहानी झाली नाही. त्याला पोलिसांनी ताब्यात घेतलं आहे.
इजिप्तच्या मेनौफिया (Menoufia) प्रांतात ही घटना घडली आहे. या प्रकाराची सध्या जगभरातील सोशल मीडियावर चर्चा आहे. 21 वर्षीय मुलाची गर्लफ्रेंड परीक्षेमध्ये नापास झाल्याने, संतापात या मुलाने चक्क शाळाच पेटवून दिली.पोलिसांनी त्याला अटक केल्यानंतर चौकशीत मुलाने हे सत्य उघड केले.
शाळेतील संपूर्ण साहित्य या आगीत जळून खाक झाले. अनेक कागदपत्रे जळाली. मात्र, यामध्ये कोणतीही जीवितहानी झाली नाही. या घटनेची माहिती अग्निशमन दलाला देण्यात आली होती. अथक प्रयत्नानंतर आग आटोक्यात आणण्यात आली. त्याचवेळी गुन्हा केल्यानंतर मुलगा पळून गेला आणि एका गावात लपून बसला. मात्र, पोलिसांनी त्याला ताब्यात घेतले.
हे प्रकरण कोर्टात पोहोचेपर्यंत हा मुलगा पोलिस कोठडीत राहणार आहे. प्रेमात असे वेडे झालेले अनेक लोक आपण पाहिले असतील. आता इजिप्तमधून (Egypt) प्रेमाबाबत हे असेच एक प्रकरण समोर आले आहे.
सुदैवाने मुलाने उचललेल्या या पावलामुळे मोठी दुर्घटना घडली नाही. या मुलाची गर्लफ्रेंड मेनोफिया प्रांतात शिकत होती. दोघांची एंगेजमेंट झाली होती आणि काही काळानंतर ते लग्न करणार होते. दरम्यान, ही मुलगी परीक्षेत नापास झाली. निकाल कळल्यावर मुलगा घाबरला कारण त्याला भीती होती की, आता प्रेयसीला त्याच वर्गात शिकावे लागणार आणि त्यामुळे आपले लग्न पुढे ढकलले जाणार. याच रागातून त्याने शाळेलाच आग लावली.
