पुणे : पुणे रेल्वे स्थानक बॉम्बने उडवण्याची धमकी देण्यात आली आहे. या पार्श्वभूमीवर पुणे रेल्वे स्थानक परिसरात एकच खळबळ उडाली आहे. पोलीस बंदोबस्तात पुणे रेल्वे स्थानक परिसरात मोठी वाढ करण्यात आली आहे. रेल्वे स्थानकात श्वान पथकाच्या मदतीने कसून तपासणी करण्यात आली, मात्र तिथे काहीही आढळून आले नाही.
मिळालेल्या माहिती नुसार, शुक्रवारी (ता. १३) रात्री पुणे रेल्वे स्थानक बॉम्बने उडवून देण्याची धमकी पोलिसांना फोनद्वारे देण्यात आली. या धमकीनंतर पोलिसांची चांगलीच धावपळ उडाली. पुणे रेल्वे स्थानक परिसरात पोलीस बंदोबस्तात मोठी वाढ करण्यात आली आहे.
तसेच श्वान पथकाच्या मदतीने रेल्वे स्टेशन आणि परिसराची कसून तपासणी करण्यात आली. मात्र तिथे पोलिसांना काहीही संशयास्पद आढळून आले नाही. हा कॉल मनमाडहून अज्ञात व्यक्तीने केल्याचे समोर आले आहे. त्यानंतर आता त्या व्यक्तीचा शोध घेण्यासाठी पोलिसांचे एक पथक नाशिकला रवाना झाले आहे.
