Big News : माढा : आंतरजातीय प्रेमविवाहाला विरोध केल्याने लेकीनेच प्रियकराच्या मदतीने वडिलांना बेदम मारहाण केल्याची धक्कादायक घटना माढा तालुक्यात घडली आहे. याप्रकरणी पोलिसांनी मुलीसह ६ जणांना बेड्या ठोकल्या आहेत.
प्रियकराच्या मदतीने वडिलांना बेदम मारहाण
महेंद्र शाह असे या मारहाणीत गंभीर जखमी झालेल्याचे नाव आहे. तसेच त्यांची प्रकृती चिंताजनक असल्याची माहिती समोर येत आहे. तर साक्षी शहा, चैतन्य कांबळे, आतिश लंकेश्वर, रामा पवार, बंडू उर्फ आनंद जाधव, व मयूर चंदनशिवे अशी अटक करण्यात आलेल्या आरोपींची नावे आहेत. (Big News)
मिळालेल्या माहितीनुसार, महेंद्र शाह यांची मुलगी साक्षी कामानिमित्त पुण्याला गेली होती. पुण्यावरून परत येताना वडील तीला शेटफळ जवळ घ्यायला गेले होते. शेटफळ वरून घरी जात असताना साक्षीने लघुशंका करण्यासाठी वडाचीवाडी येथे गाडी थांबवली.
दरम्यान, त्यावेळी तिथे दबा धरून बसललेल्या तिच्या प्रियकराने त्याच्या ४ मित्रांनी महेंद्र शहा यांना मारहाण केली. सध्या त्यांच्यावर रुग्णालयात उपचार सुरू असून त्यांची प्रकृती चिंताजनक असल्याचे सांगण्यात येत आहे. (Big News)
या घटनेची साक्षीने पोलीस ठाण्यास फिर्याद दिली. मात्र साक्षीच्या जबाबातील विसंगती पाहून पोलिसांनी सखोल तपास करून २४ तासाच्या आत साक्षीसह पाच जणांना अटक केली आहे. (Big News)
