Big Breaking News : मलकापूर : मलकापूर शहरातील महामार्ग क्रमांक सहावर दोन ट्रॅव्हल्स बसचा समोरासमोर अपघात झाल्याची धक्कादायक घटना लक्ष्मी नगर उड्डान पुलावर आज शनिवारी पहाटे (ता.२९) तीन वाजण्याच्या सुमारास घडली आहे. या घटनेत ७ जणांचा जागीच मृत्यू झाला आहे. तर २५ ते ३० जण जखमी झाले आहेत. तर या अपघातात मृतांचा आकडा वाढण्याची शक्यता वर्तवली जात आहे. (Big Breaking News)
दोन ट्रॅव्हल्स बसचा समोरासमोर अपघात;धक्कादायक घटना..
मिळालेल्या माहितीनुसार, अमरनाथची तिर्थयात्रा करुन ही ट्रॅव्हल्स (क्र.एम एच ०८. ९४५८) हिंगोलीच्या दिशेने जात होती. या ट्रॅव्हल्समध्ये ३५ ते ४० तिर्थयात्री होते. तर दुसरी ट्रॅव्हल्स (क्र.एम.एच २७ बी.एक्स. ४४६६) नागपूरवरुन नाशिकच्या दिशेने चालली होती. या ट्रॅव्हल्समध्ये २५ ते ३० तिर्थयात्री होते. (Big Breaking News)
दरम्यान, ट्रॅव्हल्स मलकापूर शहरातून जाणाऱ्या महामार्ग क्रमांक सहावरती समोरासमोर धडकून भीषण अपघात झाला. या अपघातामध्ये दोन्ही ट्रॅव्हल्स समोरासमोर भिडल्याने अक्षरशा चिरडल्या गेल्या. या भीषण अपघातत सात प्रवाशांचा जागीच मृत्यू झाला आहे. सर्व मृत हे हिंगोली जिल्ह्यातील असल्याची माहिती मिळाली आहे. मृतकांमध्ये तीन महिला आणि चार पुरुषांचा समावेश आहे. तर दोन्ही ट्रॅव्हल्समधील ते २५ ते ३० प्रवासी जखमी झाले आहेत. (Big Breaking News)
या घटनेची माहिती मिळताच शहर पोलीस निरीक्षक अशोक रत्नापारखी, दसरखेड एम.आय.डी.सी चे पोलीस निरीक्षक, अधिकारी आणि कर्मचारी घटनास्थळी दाखल झाले आहेत. तातडीनं मदत कार्य सुरू केले आहे.
दरम्यान, या अपघातात जखमींची प्रकृती चिंताजनक असल्याने त्यांना बुलढाणा येथे हलवण्यात आल्याची प्राथमिक माहिती मिळाली आहे. तर मृतांचा आकडा वाढण्याची शक्यता देखील वर्तवली जात आहे.
