BIG BREAKING लोणी काळभोर, ता. ६ :पुणे जिल्ह्यात अल्पवयीन मुलींवरील अत्याचाराच्या घटनांची मालिका थांबण्याचे नाव घेत नसून, थेऊर (ता. हवेली) येथे पुन्हा एकदा संतापजनक प्रकार समोर आला आहे. अवघ्या ६ वर्षांच्या चिमुकलीवर अत्याचार करण्याचा प्रयत्न झाल्याची धक्कादायक घटना मंगळवारी (ता. ५) रात्री घडली. या प्रकरणी लोणी काळभोर पोलिसांनी तातडीने कारवाई करत आरोपीला अटक केली आहे. BIG BREAKING
View this post on Instagram
श्रीधर लिंबाजी कांबळे (वय ४६, रा. भीमनगर, थेऊर) असे अटक करण्यात आलेल्या आरोपीचे नाव आहे. याप्रकरणी पीडित मुलीच्या आईने लोणी काळभोर पोलीस ठाण्यात फिर्याद दाखल केली आहे. मिळालेल्या माहितीनुसार, पीडित चिमुकली उन्हाळ्याच्या सुट्टीत आजोबांकडे राहण्यासाठी आली होती. याच संधीचा गैरफायदा घेत आरोपीने तिच्याशी अयोग्य वर्तन करत अत्याचाराचा प्रयत्न केला. मात्र, मुलीच्या आरडाओरडीतून शेजाऱ्यांना प्रकार लक्षात येताच त्यांनी तत्काळ घटनास्थळी धाव घेत मुलीची सुटका केली. BIG BREAKING
यानंतर नागरिकांनी तत्काळ लोणी काळभोर पोलीस ठाण्यात धाव घेत आरोपीविरुद्ध तक्रार दाखल केली. पोलिसांनीही कोणतीही दिरंगाई न करता आरोपीविरुद्ध पॉक्सो कायद्यांतर्गत गुन्हा नोंदवून त्याला ताब्यात घेतले. न्यायालयात हजर केल्यानंतर आरोपीला न्यायालयीन कोठडी सुनावण्यात आल्याची माहिती मिळत आहे. BIG BREAKING
दरम्यान, नसरापूर येथील अत्याचार-हत्या प्रकरण आणि पर्वतीतील प्रकार ताजे असतानाच पुन्हा घडलेल्या या घटनेमुळे नागरिकांमध्ये संतापाची लाट उसळली आहे. “नराधमांना कायद्याचा धाक उरला नाही का?” असा संतप्त सवाल नागरिकांकडून उपस्थित केला जात आहे. या घटनांमुळे मुलींच्या सुरक्षेचा प्रश्न पुन्हा एकदा ऐरणीवर आला असून, अशा विकृत प्रवृत्तीवर कठोर कारवाई करण्याची मागणी जोर धरत आहे. BIG BREAKING
