पुणे : नीट परीक्षेतील कथित अनियमितता आणि देशभरात सुरु असलेल्या विद्यार्थी आंदोलनाच्या पार्शवभूमीवर केंद्रीय शिक्षणमंत्री धर्मेंद्र प्रधान यांनी आपल्या पदाचा राजीनामा दिला आहे. प्रधान यांच्या या निर्णयामुळे भविष्यातील राजकीय गणिते बदलण्याची चिन्हे असून विरोधकांना सत्ताधाऱ्यांची कोंडी करण्याची संधी मिळाली आहे. या राजीनाम्यानंतर केंद्रीय शिक्षण मंत्रालयाचा पदभार नेमका कोणाकडे सोपवला जाणार, याकडे सर्वांचे लक्ष लागले आहे.
सध्या पाच प्रमुख नेत्यांची नावे केंद्रीय शिक्षणमंत्र्याच्या शर्यतीत आघाडीवर मानली जात आहेत:
प्रल्हाद जोशी: नवीन मंत्र्याची अधिकृत घोषणा होईपर्यंत केंद्रीय मंत्री प्रल्हाद जोशी यांच्याकडे शिक्षण मंत्रालयाचा अतिरिक्त कार्यभार सोपवण्यात आला आहे.
देवेंद्र फडणवीस: महाराष्ट्राचे मुख्यमंत्री देवेंद्र फडणवीस अचानक दिल्ली दौऱ्यावर गेल्याने विविध चर्चांना उधाण आले आहे. ते लवकरच राष्ट्रीय राजकारणात प्रवेश करून शिक्षणमंत्रिपद सांभाळू शकतात, अशी शक्यता वर्तवली जात आहे.
जयंत चौधरी: राष्ट्रीय लोक दल (आरएलडी) प्रमुख आणि सध्याचे कौशल्य विकास व शिक्षण राज्यमंत्री (स्वतंत्र कार्यभार) जयंत चौधरी यांचे नावही या शर्यतीत आहे.
श्रीकांत शिंदे: शिवसेनेच्या (शिंदे गट) कोट्यातून खासदार डॉ. श्रीकांत शिंदे यांचे नाव समोर येत आहे. २०१४ पासून खासदार असलेल्या शिंदे यांना कॅबिनेट मंत्री म्हणून संधी मिळण्याची शक्यता वर्तवली जात आहे.
सध्या तरी कोणत्याही नावावर केंद्र सरकारने शिक्कामोर्तब केलेले नाही. त्यामुळे आगामी काळात केंद्रीय मंत्रिमंडळात काय बदल होतात आणि शिक्षणमंत्रिपदाची धुरा कोणाकडे जाते, हे पाहणे महत्त्वाचे ठरेल
