मुंबई : सणासुदीच्या काळात सोने आणि चांदी खरेदी करण्याचा विचार करणाऱ्या ग्राहकांसाठी दिलासादायक बातमी आहे. भाऊबीजेच्या दिवशी सराफा बाजारात सोन्या-चांदीच्या किमतीत घट नोंदवण्यात आली आहे. आज 24 कॅरेट सोन्याच्या 1 तोळ्यामागे 710 रुपयांची घसरण झाली आहे. तर चांदीच्या 1 किलोच्या दरात तब्बल 5,000 रुपयांची घसरण झाली आहे. त्यामुळे दागिने खरेदी करणाऱ्या ग्राहकांना काहीसा दिलासा मिळू शकतो.
माहितीनुसार, आज 24 कॅरेट सोन्याचा 1 तोळ्याचा भाव 710 रुपयांनी कमी होऊन 1,41,980 रुपये झाला आहे. तर 10 तोळे सोन्यासाठी ग्राहकांना 14,19,800 रुपये मोजावे लागतील. म्हणजेच सोन्याच्या किमतीत झालेली घसरण खरेदीदारांसाठी महत्त्वाची ठरू शकते.
दुसरीकडे, 22 कॅरेट सोन्याच्या दरातही घट झाली आहे. या प्रकारच्या सोन्याचा 1 तोळ्याचा भाव 650 रुपयांनी कमी होऊन 1,32,150 रुपये झाला आहे. 10 तोळ्यांचा दर 1 तोळ्याच्या भावानुसार 13,21,500 रुपये होतो.
24 आणि 22 कॅरेटप्रमाणेच 18 कॅरेट सोन्याच्या किमतीतही कपात झाली आहे. 1 तोळ्यामागे 530 रुपयांची घट झाली असून नवीन दर 1,06,490 रुपये आहे. तर 10 तोळ्यांसाठी 10,64,900 रुपये खर्च करावे लागतील.
चांदीच्या दरातही मोठी घसरण
सोन्यासोबत चांदीचे भावही खाली आले आहेत. 1 ग्रॅम चांदीचा दर 5 रुपयांनी कमी झाला आहे. तर 1 किलो चांदीसाठी आता 2,00,000 रुपये मोजावे लागतील. भाऊबीजेनिमित्त भेटवस्तू म्हणून सोन्या-चांदीचे दागिने घेण्याचा विचार करणाऱ्यांसाठी ही महत्त्वाची माहिती आहे. मात्र, प्रत्यक्ष खरेदी करताना शहर, सराफा बाजार, जीएसटी आणि घडणावळीनुसार अंतिम किंमतीत फरक पडू शकतो.
