पुणे : दिल्लीतील जंतरमंतर येथे झालेल्या तीव्र आंदोलनानंतर अखेर केंद्र सरकारला माघार घ्यावी लागली असून शिक्षणमंत्री धर्मेंद्र प्रधान यांनी आपल्या पदाचा राजीनामा दिला आहे.त्यानंतर आता केंद्रीय मंत्री प्रल्हाद जोशी यांच्याकडे आता शिक्षण मंत्रालयाचा अतिरिक्त कार्यभार सोपवण्यात आला आहे.
‘कॉक्रोच जनता पार्टी’ (सीजेपी) गेल्या अडीच महिन्यांपासून करत असलेल्या आंदोलनानंतर शिक्षणमंत्री धर्मेंद्र प्रधान यांचा राजीनामा आज राष्ट्रपती द्रौपदी मुर्मू यांनी मंजूर केला. प्रल्हाद जोशी यांच्याकडे सध्या ग्राहक व्यवहार मंत्रालयाचीही जबाबदारी आहे.त्याचबरोबर आता ते शिक्षण खात्याची अतिरिक्त जबाबदारी स्वीकारणार आहेत.
कर्नाटकच्या धारवाड मतदारसंघातील भाजप खासदार प्रल्हाद जोशी यांनी २०२४ च्या लोकसभा निवडणुकीदरम्यान दिलेल्या शपथपत्रानुसार, त्यांच्या कुटुंबाची एकूण संपत्ती २१ कोटी रुपयांहून अधिक आहे. संपत्तीचा तपशील खालीलप्रमाणे आहे:
प्रल्हाद जोशी: २.७२ कोटी रुपयांची चल संपत्ती आणि ११.२४ कोटी रुपयांची अचल संपत्ती.
पत्नी ज्योती जोशी: ५.९३ कोटी रुपयांची चल संपत्ती आणि ८६.३९ लाख रुपयांची अचल संपत्ती.
मुलगी अनन्या जोशी: ३२.०३ लाख रुपयांची चल संपत्ती.
दुसऱ्या बाजूला, पदमुक्त झालेले माजी शिक्षण मंत्री धर्मेंद्र प्रधान यांची एकूण संपत्ती सुमारे ६.९२ कोटी रुपये आहे. निवडणूक आयोगाला दिलेल्या माहितीनुसार, त्यांच्या नावावर तब्बल २ कोटी रुपयांची संपत्ती नोंदवलेली आहे. यामध्ये बँक खात्यातील रक्कम, विविध गुंतवणूक, वाहने, सोन्या-चांदीचे दागिने आणि जमीन किंवा घरासारख्या अचल मालमत्तेचा समावेश आहे.
सीजेपीच्या सातत्यपूर्ण निदर्शनांनंतर शिक्षण खात्यात झालेला हा बदल सध्या राजकीय वर्तुळात चर्चेचा विषय ठरला आहे
