Baramati News बारामती : बारामतीतील हिंदू जनगर्जना मोर्चात आक्षेपार्ह वक्तव्य केल्याबद्दल कालीचरण महाराजावर बारामती शहर पोलीस ठाण्यात गुन्हा दाखल करण्यात आला आहे. याबरोबरच मोर्चाच्या आयोजकावरही गुन्हा दाखल करण्यात आला आहे.
कालीचरण महाराज उर्फ अभिजीत धनंजय सराग (रा. अकोला) व मोर्चाचे आयोजक विकास महादेव देवकाते (रा. बांदलवाडी) असे गुन्हा दाखल झालेल्यांची नावे आहे. याप्रकरणी पोलीस अंमलदार अतुल उत्तम जाधव यांनी फिर्याद दिली आहे.
पोलिसांनी दिलेल्या माहितीनुसार…!
बारामती मध्ये हिंदू जनगर्जना मोर्चाचे आयोजन 9 फेब्रुवारी रोजी करण्यात आले होते. या मोर्चासाठी कालीचरण महाराज यांना आमंत्रित करण्यात आले होते. यावेळी त्यांनी हिंदू मुस्लिम समाजामध्ये तेढ वाढेल असे वक्तव्य केले होते.
दरम्यान, याप्रकरणी बारामती शहर पोलीस ठाण्यातील पोलीस अंमलदार अतुल उत्तम जाधव यांनी सरकारच्या वतीने फिर्याद दिली. त्यावरून सोमवारी (ता.२४ एप्रिल) पोलिसांनी भारतीय दंड विधान 153, 505(2), 34, महाराष्ट्र पोलीस कायदा कलम 37 (1)(3) नुसार गुन्हा दाखल केला आहे. पुढील तपास सहाय्यक पोलीस निरीक्षक पालवे करीत आहेत.
