Baramati Crime बारामती, (पुणे) : गाडीवरुन मुली फिरवतो, दारु पितो असे भावाला सांगितल्याच्या कारणावरून चाकूचा धाक दाखवून एका १९ वर्षीय तरुणाला बेदम मारहाण करण्यात आल्याची घटना बारामती परिसरात घडली आहे. या घटनेने परिसरात एकच खळबळ उडाली असून या प्रकरणी माळेगाव पोलिस ठाण्यात तिघांविरोधात गुन्हा दाखल करण्यात आला आहे. बुधवारी (ता. १२) सकाळी ही घटना घडली आहे.
याबाबत सौरभ राजेंद्र गायकवाड (वय २९, माळेगाव कारखाना ता. बारामती) यांनी माळेगाव पोलीस ठाण्यात फिर्याद दिली आहे. त्यानुसार रविराज लक्ष्मण तावरे, चेतन शिवाजी गीरीगोसावी व मनोज मोहन सस्ते (सर्व राहणार, माळेगाव अजिंक्यनगर, ता. बारामती) यांच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार…!
बुधवारी सकाळी राजहंस चौक ते खडी क्रेशर परिसरात आरोपीनी माळेगाव कॉलेजकडे जावू असे सांगत सौरभ गायकवाड याला गाडीत बसवून नेले. चाकूचा धाक दाखवून रविराज लक्ष्मण तावरे याने गायकवाड याला तू माझा भाऊ रणजित तावरे यास मी गाडीवरुन मुली फिरवतो, दारु पितो असे का सांगितले. तुझ्याकडे बघूनच घेतो, चला रे गाडी खडी क्रेशरच्या बाजूने घेऊन चला, असे म्हणून गाडी खडी क्रेशरजवळ आल्यानंतर फिर्यादी गाडीतून खाली उतरवले.
दरम्यान, रविराज तावरे याने हाताने माझ्या तोंडावर चापटी मारल्या. इतर दोघांनी शिवीगाळ करुन तेथे पडलेला दगड फिर्यादीच्या उजव्या पायाच्या नडगीवर जोराने मारुन दुखापत केली, अशी पीडित युवकाची तक्रार आहे. तपास माळेगाव पोलीस करीत आहेत.
